ഓപ്പണ്‍ ബുക്ക് പരീക്ഷ ഇനി കേരള സിലബസിലും

പുസ്തകം തുറന്നെഴുതുന്ന പരീക്ഷ (ഓപ്പണ്‍ ബുക്ക്) കേരള സ്കൂള്‍ സിലബസിലും വരുന്നു. ഇതു നടപ്പാക്കാനുള്ള തയ്യാറെടുപ്പുകള്‍ സർക്കാർ തുടങ്ങി.

ഇത് സംബന്ധിച്ച മാർഗരേഖ എസ്.സി.ഇ.ആർ.ടി. തയ്യാറാക്കി വിദ്യാഭ്യാസ വകുപ്പിനു സമർപ്പിക്കും.പുസ്തകത്തില്‍നിന്ന്‌ പകർത്തിയെഴുതുകയില്ല ഓപ്പണ്‍ ബുക്ക് പരീക്ഷ എന്നത് കൊണ്ട് ഉദ്ദേശിക്കുന്നത്. വിശകലനാത്മകമായി വിമർശനചിന്തയോടെ ഉത്തരമെഴുതുന്നതാണ് ഈ പരീക്ഷാരീതി. നേരിട്ടുള്ള ചോദ്യങ്ങള്‍ ഉണ്ടായിരിക്കില്ല. ഹൈസ്കൂളിലെ സാമൂഹികശാസ്ത്രത്തിലായിരിക്കും ആദ്യഘട്ടം പരീക്ഷിക്കുന്നത്. തെരഞ്ഞെടുക്കപ്പെടുന്ന സ്കൂളുകളായിരിക്കും ഇത് നടപ്പിലാക്കുന്നത്.