തൃശൂര്‍ ലോക്‌സഭാ മണ്ഡലത്തില്‍ ഒമ്പത് സ്ഥാനാര്‍ഥികള്‍
ചിഹ്നങ്ങള്‍ അനുവദിച്ചുലോക്‌സഭാ തിരഞ്ഞെടുപ്പില്‍ തൃശൂര്‍ മണ്ഡലത്തില്‍ ഒമ്പത് സ്ഥാനാര്‍ഥികള്‍ മത്സര രംഗത്ത്. നാമനിര്‍ദ്ദേശപത്രിക പിന്‍വലിക്കാനുള്ള…
ചിഹ്നങ്ങള്‍ അനുവദിച്ചു
ലോക്‌സഭാ തിരഞ്ഞെടുപ്പില്‍ തൃശൂര്‍ മണ്ഡലത്തില്‍ ഒമ്പത് സ്ഥാനാര്‍ഥികള്‍ മത്സര രംഗത്ത്. നാമനിര്‍ദ്ദേശപത്രിക പിന്‍വലിക്കാനുള്ള അവസാന തീയതി ഇന്നലെ (ഏപ്രില്‍ എട്ട്) അവസാനിച്ചതോടെയാണ് അന്തിമ പട്ടികയായത്. ഒരാള്‍ മാത്രമാണ് പത്രിക പിന്‍വലിച്ചത്- സ്വാതന്ത്രനായി പത്രിക നല്‍കിയ കെ.ബി സജീവ്. സ്ഥാനാര്‍ഥികള്‍ക്കുള്ള ചിഹ്നവും തൃശൂര്‍ മണ്ഡലം വരണാധികാരിയും ജില്ലാ കലക്ടറുമായ വി.ആര്‍ കൃഷ്ണതേജ അനുവദിച്ചു.
സ്ഥാനാര്‍ഥികളുടെ പേര്, പാര്‍ട്ടി, ചിഹ്നം ചുവടെ:
അംഗീകൃത ദേശീയ രാഷ്ട്രീയ പാര്‍ട്ടികളുടെയും സംസ്ഥാന രാഷ്ട്രീയ പാര്‍ട്ടികളുടെയും സ്ഥാനാര്‍ഥികള്‍
1. അഡ്വ. പി.കെ നാരായണന്‍- ബഹുജന്‍ സമാജ് പാര്‍ട്ടി – ആന
2. കെ. മുരളീധരന്‍ – ഇന്ത്യന്‍ നാഷണല്‍ കോണ്‍ഗ്രസ് – കൈ
3. അഡ്വ. വി.എസ് സുനില്‍കുമാര്‍ -കമ്മ്യൂണിസ്റ്റ് പാര്‍ട്ടി ഓഫ് ഇന്ത്യ – ധാന്യക്കതിരും അരിവാളും
4. സുരേഷ് ഗോപി – ഭാരതീയ ജനതാ പാര്‍ട്ടി – താമര
രജിസ്റ്റര്‍ ചെയ്യപ്പെട്ട രാഷ്ട്രീയ പാര്‍ട്ടികളുടെ സ്ഥാനാര്‍ഥികള്‍ (അംഗീകൃത ദേശീയ രാഷ്ട്രീയ പാര്‍ട്ടികളും സംസ്ഥാന രാഷ്ട്രീയ പാര്‍ട്ടികളും അല്ലാത്തവ)
5. ദിവാകരന്‍ പള്ളത്ത് – ന്യൂ ലേബര്‍ പാര്‍ട്ടി- മോതിരം
മറ്റ് സ്ഥാനാര്‍ഥികള്‍
6. എം.എസ് ജാഫര്‍ഖാന്‍- സ്വതന്ത്രന്‍- കരിമ്പുകര്‍ഷകന്‍
7. ജോഷി വില്ലടം- സ്വതന്ത്രന്‍- തെങ്ങിന്‍തോട്ടം
8. പ്രതാപന്‍- സ്വതന്ത്രന്‍- ബാറ്ററി ടോര്‍ച്ച്
9. സുനില്‍കുമാര്‍ (s/o പ്രഭാകരന്‍) – സ്വതന്ത്രന്‍- ക്രെയിന്‍
