ബിഹാറിൽ 2 മണ്ഡലങ്ങളിൽ ഇടത് എംപിമാർക്ക് വിജയം; കേന്ദ്ര മന്ത്രിയെ ഉൾപ്പെടെ തോൽപ്പിച്ചു
ബിഹാറിൽ 2 മണ്ഡലങ്ങളിൽ നിന്ന് ഇടത് എംപിമാർ പാർലമെന്റിലേക്ക്. സിപിഐ എംഎൽ സ്ഥാനാർഥികളായ സുധാമ പ്രസാദ്‌ ആരയിൽ കേന്ദ്രമന്ത്രി ആർകെ സിങിനെ അറുപതിനായിരത്തോളം വോട്ടിന്‌ മുട്ടുകുത്തിച്ചു. കാരക്കട്ടിൽ…
ബിഹാറിൽ 2 മണ്ഡലങ്ങളിൽ നിന്ന് ഇടത് എംപിമാർ പാർലമെന്റിലേക്ക്. സിപിഐ എംഎൽ സ്ഥാനാർഥികളായ സുധാമ പ്രസാദ് ആരയിൽ കേന്ദ്രമന്ത്രി ആർകെ സിങിനെ അറുപതിനായിരത്തോളം വോട്ടിന് മുട്ടുകുത്തിച്ചു. കാരക്കട്ടിൽ മത്സരിച്ച സ്ഥാനാർഥി രാജാ റാം സിങ്‌ സ്വതന്ത്രനായി മത്സരിച്ച ഭോജ്‌പുരി ഗായകൻ പവൻ സിങിനെ ഒരുലക്ഷത്തിലേറെ വോട്ടിന് വീഴ്‌ത്തി. ഇവിടെ എൻഡിഎ സ്ഥാനാർഥി ഉപേന്ദ്ര കുശ്‌വാഹ മൂന്നാം സ്ഥാനത്തായി. ആദ്യമായി മത്സരിച്ച നളന്ദയിൽ പാർടി രണ്ടാം സ്ഥാനത്തെത്തി. 30 വർഷത്തിന് ശേഷമാണ് സംസ്ഥാനത്ത് നിന്ന് ഇടത് എംപിമാർ പാർലമെന്റിലെത്തുന്നത്.
