ജനതാദൾ എസ് എന്ന പേര് ഉപേക്ഷിച്ചു; പുതിയ പാർട്ടി രജിസ്റ്റർ ചെയ്ത് അതിലേക്ക് കേരള ഘടകം ലയിക്കും: മാത്യു ടി തോമസ്

ജനതാദൾ എസ് എന്ന പേര് ഉപേക്ഷിക്കാൻ തീരുമാനം. പുതിയ പാർട്ടി രജിസ്റ്റർ ചെയ്ത് അതിലേക്ക് കേരള ഘടകം ലയിക്കുമെന്നും മാത്യു ടി തോമസ് പറഞ്ഞു. ജെഡിഎസ് കേരള ഘടകം പാർട്ടി ദേശിയ പാർട്ടി നിലപാടിനെ തിരസ്കരിച്ചതിനെ തുടർന്നാണ് തീരുമാനം. ദേശീയ ഘടകവുമായി കേരള ഘടകത്തിന് ബന്ധമില്ല. സാങ്കേതികമായി പേരിൽ മാത്രമാണ് ബന്ധം. പേര് ഉപേക്ഷിക്കുന്നതോടെ ആ ബന്ധവും ഇല്ലാതാകും. ആർ ജെ ഡി ലേക്ക് ലയിക്കുന്നത് ആലോചനയിലില്ല. പുതിയ പാർട്ടി പ്രഖ്യാപനം നിയമപരമായ പരിശോധനകൾക്ക് ശേഷമേ ഉണ്ടാകൂ എന്നും മാത്യു ടി തോമസ് അറിയിച്ചു.