സംയോജിത ആശയവിനിമയ പരിപാടിക്ക് തുടക്കം
സെന്‍ട്രല്‍ ബ്യൂറോ ഓഫ് കമ്യൂണിക്കേഷന്‍ കണ്ണൂര്‍ ഫീല്‍ഡ് ഓഫീസ് സംഘടിപ്പിക്കുന്ന അഞ്ച് ദിവസത്തെ സംയോജിത ആശയവിനിമയ ബോധവത്കരണ പരിപാടിക്ക് ചെര്‍ക്കളയില്‍ തു…
സെന്‍ട്രല്‍ ബ്യൂറോ ഓഫ് കമ്യൂണിക്കേഷന്‍ കണ്ണൂര്‍ ഫീല്‍ഡ് ഓഫീസ് സംഘടിപ്പിക്കുന്ന അഞ്ച് ദിവസത്തെ സംയോജിത ആശയവിനിമയ ബോധവത്കരണ പരിപാടിക്ക് ചെര്‍ക്കളയില്‍ തുടക്കമായി. ജില്ലാ പഞ്ചായത്ത് പ്രസിഡന്റ് പി.ബേബി ബാലകൃഷ്ണന്‍ പരിപാടി ഉദ്ഘാടനം ചെയ്തു. രാജ് മോഹന്‍ ഉണ്ണിത്താന്‍ എം.പി മുഖ്യാതിഥിയായി. ചെങ്കള പഞ്ചായത്ത് പ്രസിഡണ്ട് ഖാദര്‍ ബദരിയ അദ്ധ്യക്ഷത വഹിച്ചു. സി.ബി.സി കേരള – ലക്ഷദ്വീപ് റീജിയണല്‍ അഡീഷണല്‍ ഡയറക്ടര്‍ ജനറല്‍ വി.പളനിചാമി മുഖ്യപ്രഭാഷണം നടത്തി. ഫീല്‍ഡ് പബ്ലിസിറ്റി ഓഫീസര്‍മാരായ ബിജു കെ.മാത്യു, എം.സ്മിതി, ടെക്‌നിക്കല്‍ അസിസ്റ്റന്റ് ബാബു രാജന്‍, എം.സുരേഷ് കുമാര്‍, സി.ഡി.പി.ഒ സി.കെ.ശ്രീലത എന്നിവര്‍ സംസാരിച്ചു.
വിവിധ വകുപ്പുകളുടെ സ്റ്റാളുകള്‍, സൗജന്യ മെഡിക്കല്‍ ക്യാമ്പ്, ആധാര്‍ തിരുത്തല്‍, സ്വാതന്ത്ര്യ സമരവുമായി ബന്ധപ്പെട്ട ഫോട്ടോ പ്രദര്‍ശനം തുടങ്ങിയവ ഇതോടനുബന്ധിച്ച് ഒരുക്കിയിട്ടുണ്ട്. വെള്ളിയാഴ്ച്ച വരെയാണ് പ്രദര്‍ശനം.
