ഐ.എച്ച്.ആർ.ഡി ടെക്‌നിക്കൽ ഹയർസെക്കന്ററി സ്‌കൂൾ എട്ടാം സ്റ്റാൻഡേർഡ്

ഇൻസ്റ്റിറ്റ്യൂട്ട് ഓഫ് ഹ്യൂമൻ റിസോഴ്‌സസ് ഡെവലപ്‌മെന്റിന്റെ കീഴിൽ എറണാകുളം ജില്ലയിൽ കലൂരിലും (0484-2347132/ 8547005008) കപ്രാശ്ശേരിയിലും (ചെങ്ങമനാട്, 0484-2604116/ 8547005015), മലപ്പുറം ജില്ലയിൽ വാഴക്കാട് (0483-2725215/ 8547005009), വട്ടംകുളം (0494-2681498/ 8547005012), പെരിന്തൽമണ്ണ (04933-225086/ 8547021210) കോട്ടയം ജില്ലയിൽ പുതുപ്പള്ളി (0481-2351485/ 8547005013)യിലും, ഇടുക്കി ജില്ലയിൽ മുട്ടം, തൊടുപുഴ (04862-255755/ 8547005014) എന്നിവിടങ്ങളിൽ പത്തനംതിട്ട ജില്ലയിൽ മല്ലപ്പള്ളി (0469-2680574/ 8547005010)യിലും പ്രവർത്തിക്കുന്ന  ടെക്‌നിക്കൽ ഹയർസെക്കന്ററി സ്‌കൂളുകളിൽ 2025-26 അദ്ധ്യയനവർഷത്തിൽ എട്ടാം സ്റ്റാൻഡേർഡ് പ്രവേശനത്തിന് അർഹരായവരിൽ നിന്നും ഓൺലൈൻ അപേക്ഷ ക്ഷണിച്ചു.  അപേക്ഷകൻ/ അപേക്ഷക 01.06.2025 നു 16 വയസ്സ് തികയാത്തവരായിരിക്കണം. ഏഴാം സ്റ്റാൻഡേർഡോ തത്തുല്യ പരീക്ഷയോ പാസ്സായവർക്കും പരീക്ഷാ ഫലം കാത്തിരിക്കുന്നവർക്കും അപേക്ഷിക്കാം. അപേക്ഷകൾ നേരിട്ടും ihrd.kerala.gov.in/ths വെബ്സൈറ്റ് മുഖേന ഓൺലൈനായും സമർപ്പിക്കാം. അപേക്ഷയുടെ രജിസ്‌ട്രേഷൻ ഫീസായി 110 രൂപ  (എസ്‌.സി/എസ്.റ്റി വിദ്യാർത്ഥികൾക്ക് 55 രൂപ) അപേക്ഷിക്കാൻ ഉദ്ദേശിക്കുന്ന സ്‌കൂളിന്റെ ബാങ്ക് അക്കൗണ്ടിൽ അടച്ച്, പണമടച്ചതിന്റെ വിശദാംശങ്ങൾ ഓൺലൈൻ പോർട്ടലിൽ രേഖപ്പെടുത്തണം.  അപേക്ഷാ ഫീസ് ബന്ധപ്പെട്ട സ്‌കൂൾ ഓഫീസിൽ പണമായോ, പ്രിൻസിപ്പലിന്റെ പേരിൽ മാറാവുന്ന ഡി.ഡി ആയോ നൽകാം. 2025-26 വർഷത്തെ പ്രോസ്‌പെക്ടസ് വെബ്സൈറ്റിൽ ലഭ്യമാണ്. അപേക്ഷകൾ  ഓൺലൈനായി ഏപ്രിൽ 7 വൈകിട്ട് 4 മണിവരെയും സ്‌കൂളിൽ നേരിട്ട്  ഏപ്രിൽ 9 വൈകിട്ട് 4 മണിവരെയും സമർപ്പിക്കാം.