കശ്മീരിൽ വീണ്ടും ഏറ്റുമുട്ടൽ; സൈനികന് വീരമൃത്യു

കശ്മീരിൽ നടന്ന ഏറ്റുമുട്ടലിൽ സൈനികന് വീരമൃത്യു. കശ്മീരിലെ ഉധംപൂരിലാണ് ഏറ്റുമുട്ടലുണ്ടായത്. പ്രദേശത്ത് ഭീകരരുടെ സാന്നിധ്യമുണ്ടെന്ന രഹസ്യവിവരത്തിന്റെ അടിസ്ഥാനത്തിൽ നടന്ന ഓപ്പറേഷനിലാണ് വെടിവയ്പ്പുണ്ടായത്. സ്പെഷ്യൽ ഫോഴ്സ് ഉദ്യോ​ഗസ്ഥനായ ചന്തു അലി ഷെയ്ഖാണ് വീരമൃത്യു വരിച്ചത്. ​ദുഡു-ബസന്ത​ഗഢ് മേഖലയിലായിരുന്നു ഏറ്റുമുട്ടൽ. കശ്മീർ പൊലീസും സൈന്യവും സംയുക്തമായാണ് ഓപ്പറേഷൻ നടത്തിയത്. ഏറ്റുമുട്ടലിൽ ഒരു ജവാന് പരിക്കേറ്റിട്ടുണ്ട്. പ്രദേശത്ത് ഭീകർക്കായുള്ള തെരച്ചിൽ പുരോ​​ഗമിക്കുകയാണ്. കഴിഞ്ഞ ദിവസം കുൽ​ഗാം ജില്ലയിൽ നടന്ന വെടിവയ്പ്പിൽ നാല് ഭീകരരെ സൈന്യം വധിച്ചിരുന്നു. ഭീകരരിൽ നിന്ന് വൻ ആയുധശേഖരവും പിടിച്ചെടുത്തിരുന്നു.