രാജീവ് ഗാന്ധി ഏവിയേഷൻ അക്കാദമിയുടെ ജാഗ്രതാ നോട്ടീസ്

കേരള സർക്കാരിന് കീഴിലെ ഏക ഫ്ലയിംഗ് പരിശീലന കേന്ദ്രമായ രാജീവ് ഗാന്ധി അക്കാദമി ഫോർ ഏവിയേഷൻ ടെക്‌നോളജി പൊതുജനങ്ങൾക്കായി പ്രധാന അറിയിപ്പ് നൽകി. ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡി.ജി.സി.എ) അംഗീകൃതമായ ഈ സ്ഥാപനത്തിന് സ്വകാര്യ ഗ്രൗണ്ട് സ്‌കൂളുകളുമായി യാതൊരു ബന്ധമോ അഫിലിയേഷനോ ഇല്ല എന്ന് അക്കാദമി സെക്രട്ടറി അറിയിച്ചു.  ഡി.ജി.സി.എ  മാനദണ്ഡങ്ങൾ പാലിച്ച് കൊമേഴ്‌സ്യൽ പൈലറ്റ് ലൈസൻസ് (സി.പി.എൽ) പരിശീലനത്തിന് അക്കാദമി സമർപ്പിത ബാച്ചുകൾ വാഗ്ദാനം ചെയ്യുന്നു. ചില സ്വകാര്യ സ്ഥാപനങ്ങൾ അക്കാദമിയുമായി ബന്ധമുണ്ടെന്ന് തെറ്റിദ്ധരിപ്പിക്കുന്ന പ്രചാരണങ്ങൾ നടത്തുന്നതായി കണ്ടെത്തി.  തെറ്റായ വിവരങ്ങളിൽ വഞ്ചിതരാകാതിരിക്കാൻ ശ്രദ്ധിക്കണമെന്നും വിശദവിവരങ്ങൾക്ക് 8547246538, 7012297166 എന്നീ നമ്പറുകളിൽ അക്കാദമിയെ ബന്ധപ്പെടാമെന്നും സെക്രട്ടറി  അറിയിച്ചു.