കാലിക്കറ്റ് സർവകലാശാല സിൻഡിക്കേറ്റ് തിരഞ്ഞെടുപ്പ് സ്റ്റേ ചെയ്ത് ഗവർണർ; വിസിമാർക്ക് വീണ്ടും അന്ത്യശാസനം

വൈസ് ചാൻസലർ നിയമനത്തിനായുള്ള സേർച്ച് കമ്മിറ്റിയിലേക്ക് പ്രതിനിധിയെ നല്‍കണമെന്ന് വിസിമാരോട് ആവശ്യപ്പെട്ട് ഗവർണർ ആരിഫ് മുഹമ്മദ് ഖാൻ. ഒരു മാസത്തിനുള്ളിൽ അറിയിക്കണമെന്നാണ് അന്ത്യശാസനം. നിർദേശം പാലിച്ചില്ലെങ്കിൽ സ്വന്തം നിലയ്ക്ക് കമ്മിറ്റി രൂപീകരിച്ച് നിയമനം നടത്തുമെന്നും ഗവർണർ വ്യക്തമാക്കി. അതിനിടെ, കാലിക്കറ്റ് സർവകലാശാല സിൻഡിക്കേറ്റ് തിരഞ്ഞെടുപ്പ് ഗവർണർ സ്റ്റേ ചെയ്തു. ഗവർണർ നോമിനേറ്റ് ചെയ്ത അധ്യാപകരുടെ പത്രിക തള്ളിയ സാഹചര്യത്തിലാണ് നടപടി.