ഉപതെരഞ്ഞെടുപ്പ്‌: പാലക്കാട്‌ നാലിൽ മൂന്ന്‌ സീറ്റുകളും എൽഡിഎഫിന്‌

പാലക്കാട്‌ ജില്ലയിൽ ഉപതെരഞ്ഞെടുപ്പ്‌ നടന്ന നാല്‌ സീറ്റുകളിൽ മൂന്നിലും എൽഡിഎഫ്‌ വിജയിച്ചു. ഒരു സീറ്റ്‌ യുഡിഎഫിൽ നിന്ന്‌ എൽഡിഎഫ്‌ പിടിച്ചെടുത്തു. എരുത്തേമ്പതി ഗ്രാമപഞ്ചായത്ത് പിടാരിമേട് വാർഡാണ്‌ എൽഡിഎഫ്‌ പിടിച്ചെടുത്തത്‌. ഒരു സീറ്റ്‌ യുഡിഎഫ്‌ നിലനിർത്തി.

ചിറ്റൂര്‍ തത്തമംഗലം നഗരസഭയിലെ മുതുകാട് - സിപിഐ എമ്മിലെ ആരോഗ്യ സ്വാമി ( ഭൂരിപക്ഷം-369) യും പൂക്കോട്ടുകാവ് ഗ്രാമപഞ്ചായത്ത് പൂക്കോട്ടുകാവ് നോര്‍ത്ത്- സിപിഐ എമ്മിലെ സി കെ അരവിന്ദാക്ഷന്‍ (ഭൂരിപക്ഷം- 31) യും എരുത്തേമ്പതി ഗ്രാമപഞ്ചായത്ത് പിടാരിമേട്- എൽഡിഎഫ്‌ സ്വതന്ത്ര സ്ഥാനാര്‍ത്ഥി മാര്‍ട്ടിന്‍ ആന്റണി (ഭൂരിപക്ഷം- 146) യും തിരുവേഗപ്പുറ ഗ്രാമപഞ്ചായത്ത് നരിപ്പറമ്പ്- മുസ്ലിം ലീഗിലെ കെ പി എ മജീദുമാണ്‌ (ഭൂരിപക്ഷം -470) വിജയിച്ചത്‌.

പൂക്കോട്ടുകാവ് : ആകെ വോട്ട് : 940. പോൾ ചെയ്‌തത് : 750. സി കെ അരവിന്ദാക്ഷൻ (സിപിഐ എം )- 365. എം കെ മണികണ്ഠൻ (കോൺഗ്രസ് ) - 334. പി പി മീനാക്ഷി (ബിജെപി ) - 51.

എരുത്തേമ്പതി പിടാരിമേട് - മാർട്ടിൻ ആന്റണി (എൽഡിഎഫ് - ആർബിസി) -451. ജപമാലമേരി -305 (കോൺഗ്രസ്‌), സി ബാബു - 101 (ബി ജെ പി).
ചിറ്റൂർ തത്തമംഗലം - മുതുകാട് - ആകെ വോട്ടർമാർ995. പോൾ ചെയ്‌തത് 839. എൽഡിഎഫ് - ആരോഗ്യ സ്വാമി 561. ശ്രീനിവാസൻ (കോൺഗ്രസ്‌ -) 192. - എസ് സുനിത(ബിജെപി) - 86.