കരിപ്പൂരില്‍ വൻ സ്വര്‍ണ വേട്ട; 1.89 കോടി രൂപയുടെ സ്വര്‍ണം പിടികൂടി

കോഴിക്കോട്: കിപ്പൂർ വിമാനത്താവളത്തില്‍ വൻ സ്വർണ വേട്ട. യാത്രക്കാരനില്‍ നിന്നും 1.89 കോടി വിലമതിപ്പുള്ള സ്വർണം കസ്റ്റംസ് പിടികൂടി.

മൂന്ന് കിലോയോളം ഭാരം വരുന്ന സ്വർണമാണിതെന്ന് കസ്റ്റംസ് അറിയിച്ചു. ഇന്ന് ഉച്ചയോടെ നടത്തിയ പരിശോധനയിലാണ് സ്വർണം കണ്ടെത്തിയത്.

ദുബായില്‍ നിന്നും എത്തിയ യാത്രക്കാരന്റെ ഷൂസില്‍ സ്വർണം ഒളിപ്പിച്ചു വച്ച നിലയായിരുന്നു. ഇയാളുടെ പക്കല്‍ നിന്നും 1,473 ഗ്രാം സ്വർണവും വിമാനത്താവളത്തിലെ ശുചിമുറിയില്‍ നിന്നും 1,533 ഗ്രാം സ്വർണവും കസ്റ്റംസ് പിടിച്ചെടുത്തു.