പതിനെട്ടാം ലോക്‌സഭ പ്രോ ടെം സ്പീക്കറായി ഭ‍ർതൃഹരി മഹ്താബ്‌

പതിനെട്ടാം ലോക്സഭ പ്രോ ടെം സ്പീക്കറായി ഭ‍ർതൃഹരി മഹ്താബിനെ നിയമിച്ചു. നിയമനത്തിന് രാഷ്ട്രപതി ദൗപതി മുർമു അംഗീകാരം നൽകി. 

ബിജെഡിയിൽ നിന്ന് ബിജെപിയിലെത്തിയ നേതാവാണ് ഭർതൃഹരി മഹ്താബ്. മാവേലിക്കര എം പിയും കോൺഗ്രസ് നേതാവുമായ കൊടിക്കുന്നിൽ സുരേഷ് പ്രോ ടെം സ്പീക്കറാകുമെന്നാണ്‌ നേരത്തെ പുറത്തുവന്ന വിവരം. എട്ട്‌ തവണ എംപിയായിട്ടുള്ള കൊടിക്കുന്നിൽ സുരേഷാണ്‌ നിലവിൽ ലോക്‌സഭയിൽ സീനിയോററ്റിയുള്ള അംഗം. 

ജൂൺ 26 നാണ് ലോക്സഭാ സ്പീക്കർ തെരഞ്ഞെടുപ്പ് നടക്കുക. ഇത് നിയന്ത്രിക്കുക പ്രോ ടൈം സ്പീക്കറാണ്.