നെല്ലിക്കോട്ട്കുഴിയിൽ അങ്കണവാടി കെട്ടിടം ഉദ്ഘാടനം ചെയ്തു
മാവൂർ ഗ്രാമപഞ്ചായത്തിലെ നെല്ലിക്കോട്ട്കുഴി അങ്കണവാടിക്ക് വേണ്ടി പുതുതായി നിർമ്മിച്ച കെട്ടിടത്തിൻ്റെ ഉദ്ഘാടനം പി ടി എ റഹീം എംഎൽഎ നിർവഹിച്ചു. എം.എൽ.എയുടെ മണ്ഡലം ആസ്തി വികസന ഫണ്ടിൽ നിന്ന് അനുവദിച്ച 23.22…
മാവൂർ ഗ്രാമപഞ്ചായത്തിലെ നെല്ലിക്കോട്ട്കുഴി അങ്കണവാടിക്ക് വേണ്ടി പുതുതായി നിർമ്മിച്ച കെട്ടിടത്തിൻ്റെ ഉദ്ഘാടനം പി ടി എ റഹീം എംഎൽഎ നിർവഹിച്ചു. എം.എൽ.എയുടെ മണ്ഡലം ആസ്തി വികസന ഫണ്ടിൽ നിന്ന് അനുവദിച്ച 23.22 ലക്ഷം രൂപ ചെലവിലാണ് അങ്കണവാടി കെട്ടിടം നിർമ്മിച്ചത്.
മാവൂർ ഗ്രാമപഞ്ചായത്ത് പ്രസിഡന്റ് വാസന്തി വിജയൻ അധ്യക്ഷത വഹിച്ചു. ജില്ലാ പഞ്ചായത്ത് മെമ്പർ സുധ കമ്പളത്ത്, ബ്ലോക്ക് പഞ്ചായത്ത് മെമ്പർ ടി പി മാധവൻ, ഗ്രാമപഞ്ചായത്ത് മെമ്പർമാരായ സി നന്ദിനി, ആർ മിനി, പ്രസന്ന, സിഡിപിഒ ഷീജ, ഐസിഡിഎസ് സൂപ്പർവൈസർ കെ ബിനി, റസിഡൻസ് അസോസിയേഷൻ പ്രതിനിധി സന്ദീപ്, അങ്കണവാടി വർക്കർ കെ സ്മിത തുടങ്ങിയവർ സംസാരിച്ചു.
