എയർ ഇന്ത്യ എക്സ്പ്രസ് വിമാനം വൈകിയത് 12 മണിക്കൂർ; കുടിക്കാൻ ഒരു കുപ്പി വെള്ളം പോലുമില്ല
അബുദാബിയിലേക്കുള്ള എയര്‍ ഇന്ത്യ എക്‌സ്പ്രസ് വിമാനം വൈകുന്നതില്‍ യാത്രക്കാരുടെ പ്രതിഷേധം. രാത്രി 8.40ന് പുറപ്പെടേണ്ട എയര്‍ ഇന്ത്യ എക്‌സ്പ്രസിന്റെ തിരുവനന്തപുരം-അബുദാബി വിമാനം വെള്…
അബുദാബിയിലേക്കുള്ള എയര് ഇന്ത്യ എക്സ്പ്രസ് വിമാനം വൈകുന്നതില് യാത്രക്കാരുടെ പ്രതിഷേധം. രാത്രി 8.40ന് പുറപ്പെടേണ്ട എയര് ഇന്ത്യ എക്സ്പ്രസിന്റെ തിരുവനന്തപുരം-അബുദാബി വിമാനം വെള്ളിയാഴ്ച രാവിലെ 7.15നു മാത്രമേ പുറപ്പെടൂ എന്ന് അധികൃതര് വ്യക്തമാക്കിയതോടെ യാത്രക്കാര് പ്രതിഷേധിക്കുകയായിരുന്നു. സാങ്കേതിക തകരാര് മൂലമാണു വിമാനം വൈകുന്നതെന്നു കമ്പനി അധികൃതര് അറിയിച്ചു.
മൂന്നുമണിയോടെ പലരും യാത്രയ്ക്കു തയാറായി വിമാനത്താവളത്തിൽ എത്തിയിരുന്നു. അപ്പോഴാണു വിമാനം വൈകുന്ന വിവരം അറിയുന്നത്. തങ്ങളുടെ കൈയിലുള്ള ഇന്ത്യൻ രൂപ ബന്ധുക്കളുടെ പക്കൽ ഏൽപ്പിച്ചാണു മിക്ക യാത്രക്കാരും വിമാനത്തിൽ കയറാൻ തയാറായി വന്നത്. ഇതോടെ ഭക്ഷണമോ വെള്ളമോ പോലും വാങ്ങാനാകാതെ വലയുകയാണു യാത്രക്കാർ.
കുടിക്കാൻ ഒരു കുപ്പി വെള്ളം പോലും വിമാനത്താവള അധികൃതർ നൽകുന്നില്ലെന്ന് യാത്രക്കാർ പറഞ്ഞു. വിമാനത്തിന് തകരാറുള്ള കാര്യം നേരത്തെ അറിയിച്ചിരുന്നെങ്കിൽ വളരെ ദൂരെനിന്ന് വന്ന യാത്രക്കാർക്ക് ഇത്രയേറെ വലയേണ്ടി വരില്ലായിരുന്നുവെന്നും യാത്രക്കാർ പറയുന്നു.
