ട്രെയിൻ തട്ടി ഗൃഹനാഥന് ദാരുണാന്ത്യം

ആലപ്പുഴ: അരൂരില്‍ പ്ലാറ്റ്‌ഫോമില്‍ നിന്ന് കാല്‍ വഴുതി ട്രാക്കിലേക്ക് വീണ ഗൃഹനാഥൻ ട്രെയിൻ തട്ടി മരിച്ചു. അരൂർ സ്വദേശി അഗസ്റ്റിൻ ആണ് മരിച്ചത്.

അരൂർ റെയില്‍വേ സ്റ്റേഷനില്‍ ഇന്നലെ വൈകിട്ട് ഒമ്ബതരയോടെയായിരുന്നു സംഭവം.

പ്ലാറ്റ്‌ഫോമിലൂടെ നടന്ന് വീട്ടിലേക്ക് പോകവെയായിരുന്നു അപകടം. അഗസ്റ്റിൻ കാല്‍ വഴുതി ട്രാക്കിലേക്ക് വീണു. ഈ സമയം തിരുവനന്തപുരത്ത് നിന്നും ഗുരുവായൂരിലേക്ക് പോകുകയായിരുന്ന ഇന്റർസിറ്റി എക്‌സ്പ്രസ് അഗസ്റ്റിനെ തട്ടുകയായിരുന്നു. റെയില്‍വേ സ്റ്റേഷന് പടിഞ്ഞാറ് ഭാഗത്തായാണ് അഗസ്റ്റിന്റെ വീട്.