മരടില് എല്ലാവര്ക്കും പുനരധിവാസം നല്കേണ്ട ബാധ്യത സര്ക്കാരിനില്ല : വി.എസ്
തിരുവനന്തപുരം: മരട് ഫ്ളാറ്റിലെ താമസക്കാരുടെ പുനരധിവാസവും നഷ്ടപരിഹാരവും സംബന്ധിച്ച് നടപടികളിലേക്ക് കടക്കുമ്പോള് സര്ക്കാര് ഏറെ ജാഗ്രത പുലര്ത്തേണ്ടതുണ്ടെന്ന് വി.എസ്.അച്യുതാനന്ദന്.
മരടിലെ ഫ്ളാറ്റുകളില് പുനരധിവാസം ആവശ്യമായവരുടെ കൃത്യമായ ലിസ്റ്റാണ് ആദ്യം തയ്യാറാക്കേണ്ടത്. മറ്റ് പാര്പ്പിട സൗകര്യം ഉള്ളവര്ക്ക് പുനരധിവാസം നല്കേണ്ട ബാദ്ധ്യത സര്ക്കാരിനില്ല. എന്നു മാത്രമല്ല, അനേകം കാരണങ്ങളാല് പുനരധിവസിപ്പിക്കപ്പെടേണ്ട നിരവധി ആളുകളുടെ പട്ടിക സര്ക്കാരിനു മുമ്പിലുണ്ട്. അവരേക്കാള് മുന്ഗണനയോ അവര്ക്ക് ലഭിക്കുന്ന സൗകര്യങ്ങളെക്കാള് മുന്തിയ സൗകര്യങ്ങളോ ഇടതുപക്ഷ സര്ക്കാര് ഫ്ളാറ്റുടമകള്ക്ക് നല്കുന്നത് തെറ്റായ സന്ദേശമാണ് നല്കുക എന്നും ഫേസ്ബുക്കിലൂടെ വിഎസ് അച്യുതാനന്ദന് കൂട്ടിച്ചേർത്തു.