കടുവ: 6 വർഷങ്ങൾക്ക് ശേഷം ഷാജി കൈലാസ് മലയാളത്തിലേക്ക്; പൃഥ്വിരാജിന്റെ മാസ്സ് ആക്ഷൻ ചിത്രം

News Desk

16 October 2019 10:51 AM

ഒരു വലിയ പ്രഖ്യാപനം നടക്കുന്നുണ്ടെന്ന് കഴിഞ്ഞ ദിവസം നടൻ പൃഥ്വിരാജ് സുകുമാരൻ സോഷ്യൽ മീഡിയയിലൂടെ അറിയിച്ചിരുന്നു. സോഷ്യൽ മീഡിയയിൽ ആരാധകർക്കിടയിൽ നിരവധി ഊഹാപോഹങ്ങൾ ഉണ്ടായെങ്കിലും ഒടുവിൽ ആ സർപ്രൈസ് പൊളിച്ചിരിക്കുന്നത്. 6 വർഷങ്ങൾക്ക് ശേഷം ഷാജി കൈലാസ് മലയാളത്തിലേക്ക് തിരിച്ചുവരുന്നു. പൃഥിവിരാജിനെ നായകനാക്കി ഒരു മാസ് ആക്ഷൻ ചിത്രത്തിനായി ‘കടുവ’ എന്നചിത്രം 'കടുവ' എന്ന പേരിൽ ഒരുങ്ങുന്നു. പൃഥ്വിരാജ് പ്രൊഡക്ഷൻസും മാജിക് ഫ്രെയിമുമാണ് സംയുക്തമായി ചിത്രം നിർമ്മിക്കുന്നത്.

ലഭിക്കുന്ന വിവരം അനുസരിച്ചു , ഒരു യഥാർത്ഥ ജീവിത കഥയിൽ നിന്ന് പ്രചോദനം ഉൾക്കൊണ്ടു കൊണ്ടാണ് ചിത്രം ഒരുങ്ങുന്നത്. ‘മാസ്റ്റേഴ്സ്’ എന്ന ത്രില്ലർ ചിത്രം രചിച്ച, ‘ആദം ജോൻ’ സംവിധാനം ചെയ്ത ജിനു അബ്രഹാമാണ് ഇതിന്റെ തിരക്കഥ. രവി കെ ചന്ദ്രന്റെ ഛായാഗ്രഹണവും മോഹൻദാസിന്റെ കലാസംവിധാനവും ഷമീർ മുഹമ്മദിന്റെ എഡിറ്റിംഗും ‘കടുവ’യിൽ ഉണ്ടാകും. ജനപ്രിയ ദക്ഷിണേന്ത്യൻ സംഗീതസംവിധായകൻ എസ് തമൻ മലയാള ചലച്ചിത്രമേഖലയിലേക്കുള്ള പ്രവേശനവും ഈ ചിത്രത്തോടെ ഉണ്ടാകും.