ഫെഡറല്‍ തത്വത്തെ യൂണിറ്ററി സംവിധാനം കൊണ്ട് പകരംവെക്കുന്നത് ഭരണഘടനാലംഘനം: പിണറായി വിജയൻ

Ajith.A

16 August 2019 11:00 AM

തിരുവനന്തപുരം: ഭരണഘടനയുടെ ജീവസത്തയാണ് ഫെഡറല്‍ തത്വമെന്നും ഇതിനെ യൂണിറ്ററി സംവിധാനം കൊണ്ട് പകരം വെക്കാനുള്ള ശ്രമങ്ങളുണ്ടായാല്‍ അതിനെ ഭരണഘടനാ തത്വങ്ങളുടെ ലംഘനമായി കാണാനാകുമെന്നും മുഖ്യമന്ത്രി പിണറായി വിജയന്‍. തിരുവനന്തപുരത്ത് സ്വാതന്ത്ര്യദിനാഘോഷ ചടങ്ങില്‍ പതാക ഉയര്‍ത്തിയതിനു ശേഷം സംസാരിക്കുകയായിരുന്നു അദ്ദേഹം.

സംസ്ഥാനങ്ങള്‍ക്ക് സവിശേഷമായ അധികാരങ്ങളും അവകാശങ്ങളുമുള്ള രാജ്യമാണ് നമ്മുടേത്. സംസ്ഥാനങ്ങളുടെ അധികാര- അവകാശങ്ങളുടെ നേര്‍ക്കുള്ള കടന്നുകയറ്റമുണ്ടായാല്‍ അത് ഭരണഘടനയ്ക്കും ഫെഡറല്‍ ഘടനയുടെ സത്തയ്ക്ക് പ്രത്യേകിച്ചും എതിരാണെന്ന് അദ്ദേഹം കൂട്ടിച്ചേര്‍ത്തു.