ഭയം എന്താണെന്ന് അറിയില്ല; മോദി
ന്യൂഡല്‍ഹി: ഭയം എന്താണെന്നു തനിക്ക് അറിയില്ലെന്ന് പ്രധാനമന്ത്രി നരേന്ദ്ര മോദി. ഡിസ്കവറി ചാനലിലെ പ്രശസ്തമായ മാന്‍ വേഴ്സസ് വൈല്‍ഡ് ഷോയില്‍ ബെയര്‍ ഗ്രില്‍സിനോടായിരുന്നു മോദിയുടെ പ്രതികരണം. മാന്‍ വേഴ്സസ് വൈല്‍ഡ് ഷോയില്‍ പ്രത്യക്ഷപ്പെടുന്ന ആദ്യ ഇന്ത്യന്‍ രാഷ്ട്രീയക്കാരനാണു മോദി.
ഭയമെന്താണെന്നു വിശദീകരിക്കാനോ അതെങ്ങനെ നേരിടണമെന്ന് ആളുകള്‍ക്കു പറഞ്ഞുകൊടുക്കാനോ പോലും തനിക്കറിയില്ല. ക്രിയാത്മകതയാണു ശക്തി. രാജ്യത്തിനും വികസനത്തിനും വേണ്ടി കഠിനമായി പ്രവര്‍ത്തിക്കുന്നതാണ് സന്തോഷം. ഈ പരിപാടി കണ്ടുകഴിഞ്ഞശേഷം ലോകത്തെന്പാടുമുള്ള ആളുകള്‍ക്ക് ഇന്ത്യയിലേക്കു വരാന്‍ തോന്നും. ഇന്ത്യയിലെ വിനോദസഞ്ചാരം വികസിക്കുമെന്നും മോദി പറഞ്ഞു.
13 വര്‍ഷം ഞാന്‍ മുഖ്യമന്ത്രിയായിരുന്നു. പിന്നീട് ഞാന്‍ പ്രധാനമന്ത്രിയായി. ഇന്നത്തെ സഞ്ചാരം ഒരു വിനോദയാത്രയെന്നു സങ്കല്‍പിച്ചാല്‍ 18 വര്‍ഷത്തിനിടയിലെ എന്‍റെ ആദ്യത്തെ വെക്കേഷനാണിത്. പ്രധാനമന്ത്രിപദം സ്വപ്നമായിരുന്നില്ല. ഉത്തരവാദിത്തപൂര്‍വം ജോലി ചെയ്യുന്നതില്‍ മാത്രമായിരുന്നു ശ്രദ്ധ. സ്ഥാനലബ്ധികളൊന്നും തലക്കനമായി മാറാറില്ലെന്നും മോദി പറഞ്ഞു. ഉത്തരാഖണ്ഡിലെ ജിം കോര്‍ബെറ്റ് ദേശീയപാര്‍ക്കിലെ വനത്തിലാണ് പരിപാടി ഷൂട്ട് ചെയ്തത്. പ്രകൃതിയോടിണങ്ങി ജീവിച്ചതിന്‍റെ അനുഭവവും വന്യജീവി സംരക്ഷണത്തിന്‍റെ ആവശ്യകതകളും മോദി പങ്കുവച്ചു.
Related News
കേന്ദ്ര മന്ത്രിസഭാ പുനഃസംഘടന ഉടന്
'ഇന്ത്യയെന്ന സംജ്ഞ പ്രതിനിധാനം ചെയ്യുന്ന ഉൾച്ചേർക്കലിന്റെ രാഷ്ട്രീയത്തെ സംഘപരിവാർ ഭയപ്പെടുകയാണ്'; മുഖ്യമന്ത്രി പിണറായി വിജയൻ
കൊവിഡ് വാക്സിന്: കേന്ദ്രം ആഗോള ടെന്ഡര് വിളിക്കണമെന്ന് ആവശ്യപ്പെട്ട് പ്രധാനമന്ത്രിക്ക് മുഖ്യമന്ത്രിയുടെ കത്ത്
രണ്ടാം പിണറായി സര്ക്കാരിന് അഭിനന്ദനങ്ങളറിയിച്ച് പ്രധാനമന്ത്രി നരേന്ദ്രമോദി