"സമരത്തിന്റെ പേരിൽ നടന്നത് വലിയ അക്രമം'; കെഎസ്ആർടിസി സമരക്കാരെ രൂക്ഷമായി വിമർശിച്ച് മന്ത്രി
തിരുവനന്തപുരം : കെഎസ്ആര്സി മിന്നൽ പണിമുടക്കിൽ യാത്രക്കാരൻ മരിച്ച സംഭവത്തിൽ കടുത്ത നടപടിക്കൊരുങ്ങി സർക്കാർ. കെഎസ്ആര്സി സമരത്തെ രൂക്ഷമായി വിമര്ശിച്ച് മന്ത്രി കടകംപള്ളി സുരേന്ദ്രന് രംഗത്തെത്തി. 'സമരത്തിന്റെ പേരിൽ നടന്നത് വലിയ അക്രമമാണെന്നും നടപടി സ്വീകരിക്കുമെന്നും കുഴഞ്ഞുവീണ് മരിച്ച സുരേന്ദ്രന്റെ വീട് സന്ദര്ശിച്ച മന്ത്രി പ്രതികരിച്ചു.
കെ.എസ്.ആര്.ടി.സി ജീവനക്കാര് നടത്തിയ മിന്നല് പണിമുടക്ക് മര്യാദകേടാണെന്ന് മന്ത്രി പറഞ്ഞു. സമരം ചെയ്യാനുള്ള അവകാശത്തെ ചോദ്യം ചെയ്യുന്നില്ല. സമരത്തിന്റെ പേരില് കിഴക്കേക്കോട്ട പോലുള്ള സ്ഥലത്ത് വാഹനങ്ങള് തലങ്ങനെയും വിലങ്ങനെയും കൊണ്ടിട്ട് ആളുകളോട് യുദ്ധമാണ് സത്യത്തില് ജീവനക്കാര് പ്രഖ്യാപിച്ചതെന്നും മന്ത്രി വിമര്ശിച്ചു.