കെഎസ്ആര്ടിസിയുടെ ആദ്യ എല്എന്ജി ബസ് സര്വ്വീസിന് തുടക്കം
കെ എസ് ആര് ടിസിയുടെ കേരളത്തിലെ ആദ്യ എല്.എന്.ജി ബസ് സര്വീസ് ആരംഭിച്ചു. തമ്പാനൂർ കെ. എസ്. ആര്. ടി. സി ബസ് സ്റ്റാന്ഡില് നടന്ന ചടങ്ങില് ഗതാഗത മന്ത്രി ആന്റണി രാജു ഫ്ളാഗ് ഓഫ് നിര്വഹിച്ചു.അന്തരീക്ഷ മലിനീകരണം ഇല്ലാതാക്കുന്നതിന്റെയും ചെലവ് കുറച്ച് സര്വീസ്ന ടത്തുന്നതിന്റെയും ഭാഗമായാണ് കേന്ദ്ര സര്ക്കാര് സ്ഥാപനമായ പെട്രോനെറ്റ് എല് എന് ജി ലിമിറ്റഡിന്റെ സഹകരണത്തോടെ ഇത്തരത്തിലൊരു ബസ് സര്വ്വീസ് പരീക്ഷണാടിസ്ഥാനത്തില് ആരംഭിച്ചതെന്ന് മന്ത്രി പറഞ്ഞു. മൂന്ന് മാസം പരീക്ഷണാടിസ്ഥാനത്തില് സര്വ്വീസ് നടത്തും. ലാഭകരമെങ്കില് ഉദ്യോഗസ്ഥരുടെ റിപ്പോര്ട്ടിന്റെ അടിസ്ഥാനത്തില് കൂടുതല് ബസ്സുകള് എല് എന് ജിയിലേക്ക് മാറ്റുന്നത് പരിഗണിക്കുമെന്ന് മന്ത്രി പറഞ്ഞു.
ഇന്ധന വില വര്ധന മൂലമുള്ള സാമ്പത്തിക പ്രതിസന്ധി മറികടക്കാന് ബസ് ചാര്ജ് വര്ദ്ധന പരിഗണിക്കുന്നില്ലെന്ന് ഗതാഗത മന്ത്രി ആന്റണി രാജു. ഇന്ധന വില കുതിക്കുമ്പോൾ ടിക്കറ്റ് ചാര്ജ് വര്ധിപ്പിക്കുക എന്നത് അജണ്ടയിലില്ലെന്ന് മന്ത്രി പറഞ്ഞു. കെഎസ്ആര്ടിസിയിലെ പെന്ഷന് പ്രതിസന്ധി പരിഹരിക്കും. സഹകരണ ബാങ്ക് വഴിയുള്ള വിതരണത്തിന് കരാര് പുതുക്കും. കെഎസ്ആര്ടിസിയില് സാമ്പത്തിക അച്ചടക്കം കൊണ്ടുവരുമെന്നും മന്ത്രി അറിയിച്ചു.
തിരുവനന്തപുരം-എറണാകുളം, എറണാകുളം-കോഴിക്കോട് റൂട്ടുകളിലാണ് സര്വീസ്. പെട്രോനെറ്റ് എല്എന്ജി ലിമിറ്റഡാണ് പരീക്ഷണ സര്വ്വീസിനുള്ള ബസ്സുകള് കൈമാറിയത്. കേന്ദ്ര സര്ക്കാര് സ്ഥാപനമായ പെട്രോനെറ്റ് എല്എന്ജിയുടെ രണ്ട് ബസ്സുകളാണ് പരീക്ഷണ സര്വ്വീസിന് കെഎസ്ആര്ടിസിക്ക് വിട്ടുനല്കിയിരിക്കുന്നത്. ലാഭകരമെന്ന് കണ്ടാല് കൂടുതല് ബസ്സുകളെ എല്എന്ജിയിലേക്ക് മാറ്റുന്നത് പരിഗണിക്കും. നിലവിലുള്ള 400 പഴയ ഡീസല് ബസ്സുകളെ എല്എന്ജിയിലേക്ക് മാറ്റുന്നതിന് ഉത്തരവായിട്ടുണ്ട്.