പ്രമുഖ കൃഷി ശാസ്‌ത്രജ്ഞന്‍ ആര്‍ ഹേലി അന്തരിച്ചു
തിരുവനന്തപുരം: പ്രമുഖ കാര്‍ഷിക വിദഗ്ധന്‍ ആര്‍. ഹേലി അന്തരിച്ചു. ആലപ്പുഴയിലെ മകളുടെ വീട്ടില്‍ ഹൃദയാഘാതത്തെ തുടര്‍ന്നായിരുന്നു അന്ത്യം എണ്‍പത്തിയേഴ് വയസായിരുന്നു. മരണാനന്തര ചടങ്ങുകള്‍ ഇന്ന് വൈകുന്നേരം 5 മണിക്ക് കോവിഡ് പ്രോട്ടോക്കോള്‍ ചട്ടങ്ങള്‍ പാലിച്ച്‌ ആറ്റിങ്ങലിലെ അദ്ദേഹത്തിന്റെ വസതിയില്‍ നടക്കുമെന്ന് മകന്‍ ശ്രീ. പ്രശാന്ത് ഹേലി അറിയിച്ചു. കൃഷിയെ ജനകീയ പ്രസ്ഥാനം ആക്കുന്നതില്‍ നിര്‍ണായ പങ്കുവഹിച്ച വൃക്തിയാണ് ഹേലി. 1989 ല്‍ കൃഷി വകുപ്പ് ഡയറക്ടറായി വിരമിച്ച അദ്ദേഹം വിരമിച്ച ശേഷവും പിന്നിട്ട മൂന്നു പതിറ്റാണ്ടുകാലമായി വിശ്രമരഹിതമായി കര്‍ഷകര്‍ക്കൊപ്പം ചാലക ശക്തിയായി പ്രവര്‍ത്തിച്ചു.
ഹേലിയാണ് മലയാളത്തില്‍ ഫാം ജേര്‍ണലിസത്തിന് തുടക്കമിട്ടത്. ആകാശവാണിയിലെ വയലും വീടും, ദൂരദര്‍ശനിലെ നാട്ടിന്‍പുറം എന്നീ പരിപാടികള്‍ക്കു പിന്നില്‍ ആര്‍. ഹേലിയായിരുന്നു. കാര്‍ഷിക സംബന്ധിയായ ലേഖനങ്ങള്‍ നിരവധി ദിനപത്രങ്ങളിലും ആനുകാലികങ്ങളിലും എഴുതിയിരുന്നു. സംസ്ഥാന കാര്‍ഷിക നയരൂപീകരണ സമിതി അംഗമായിരുന്നു.
Related News
കൊല്ലത്ത്, ആശുപത്രിയില് കുഴഞ്ഞുവീണ നഴ്സ് മരിച്ചു
ഫ്ളാറ്റില് നിന്ന് വീണ് പരുക്കേറ്റ വീട്ടുജോലിക്കാരി മരിച്ചു
ഗുജറാത്ത് മുന് മുഖ്യമന്ത്രി കേശുഭായ് പട്ടേല് അന്തരിച്ചു