കോവിഡിനെ മുഖ്യമന്ത്രി രാഷ്ട്രീയവത്കരിച്ചു; കെ. മുരളീധരന്‍
കോഴിക്കോട്: മുഖ്യമന്ത്രി പിണറായി വിജയന്‍ കോവിഡിനെ രാഷ്ട്രീയവത്കരിച്ചെന്ന് കോണ്‍ഗ്രസ് നേതാവ് കെ. മുരളീധരന്‍. പഞ്ചായത്ത് തെരഞ്ഞെടുപ്പാണ് മുഖ്യമന്ത്രിയുടെ ലക്ഷ്യം. മഹാദുരന്തത്തെ എല്ലാവരും ഒരുമിച്ച്‌ നേരിടുമ്പോള്‍ ഇതിന്റെ മറവില്‍ തെരഞ്ഞെടുപ്പ് ജയിക്കാനാണ് എല്‍.ഡി.എഫ് ശ്രമിക്കുന്നത്. മറ്റു സംസ്ഥാനങ്ങളേക്കാള്‍ അപേക്ഷിച്ച്‌ കേരളത്തില്‍ കോവിഡ് കുറവാണ്. അവരുടെ വിവരങ്ങള്‍ ശേഖരിക്കാന്‍ സി-ഡിറ്റ് മതി. സ്പ്രിന്‍ക്ലറിന്റെ ആവശ്യമില്ലായിരുന്നു. വിദേശ കമ്പനിയുമായി കരാര്‍ ഒപ്പിടുമ്പോള്‍ സ്വീകരിക്കേണ്ട മാനദണ്ഡങ്ങള്‍ സര്‍ക്കാര്‍ പാലിച്ചിട്ടില്ല. സംസ്ഥാനന്റേതാണ്.
പിണറായി വിജയന്‍ പ്രധാനമന്ത്രി നരേന്ദ്ര മോദിയുടെ കാര്‍ബണ്‍ കോപ്പിയായി മാറിയെന്നും കെ. മുരളീധരന്‍ ആരോപിച്ചു. അതിന്റെ അവസാനത്തെ ഉദഹാരണമാണ് കെ.എം. ഷാജിക്കെതിരായ വിജിലന്‍സ് കേസ്. സര്‍ക്കാറിന്റെ വീഴ്ച ചൂണ്ടിക്കാണിക്കുന്നത് പ്രതിപക്ഷ ഉത്തരാവദിത്വമാണ്. 2017ല്‍ കൊടുത്ത പരാതിയിലാണ് ഇപ്പോള്‍ കേസ് എടുത്തിരിക്കുന്നത്. വിഷയത്തില്‍ സ്പീക്കര്‍ നിഷ്പക്ഷത കളഞ്ഞുകുളിച്ചു. കേസ് നിയമപരമായും രാഷ്ട്രീയമായും നേരിടും. വിഷയത്തില്‍ സി.ബി.ഐ അന്വേഷണം വേണം. ലോക്ഡൗണ്‍ കഴിഞ്ഞാല്‍ പ്രത്യക്ഷ സമരം തുടങ്ങും. കേരളത്തില്‍ ഭരണത്തുടര്‍ച്ച ഉണ്ടായിരുന്നുവെങ്കില്‍ കാസര്‍കോട് അതിര്‍ത്തിയില്‍ 11 പേര്‍ ചികിത്സ കിട്ടാതെ മരിക്കില്ലായിരുന്നു. യു.ഡി.എഫ് കൊണ്ടുവന്ന മെഡിക്കല്‍ കോളജ് രാഷ്ട്രീയ വിരോധം കാരണം റദ്ദാക്കിയെന്നും കെ. മുരളീധരന്‍ പറഞ്ഞു.
Related News
പ്രഖ്യാപിച്ചത് വന് ഇളവുകള്, കടകള് രാത്രി ഒന്പതുവരെ തുറക്കാം , കല്യാണത്തിനും മരണത്തിനും ഇരുപതുപേര് മാത്രം
കൊവിഡ്: കേരളം രാജ്യത്തിന് മാതൃക; പ്രതിദിന കേസില് ആശങ്ക വേണ്ടെന്ന് മിഷിഗണ് യൂണിവേഴ്സിറ്റി പ്രൊഫസര് ഭ്രമർ മുഖർജി
ലോക ചാമ്പ്യനെ വീഴ്ത്തി ഒന്നാമത്; ചരിത്രം സൃഷ്ടിച്ച് പ്രഗ്നാനന്ദ
സിനിമാ താരം നോബിയുടെ മാതാവ് മരണപ്പെട്ടു