വെനീസിലെ റെഡ് കാർപ്പറ്റിൽ മുണ്ടുടുത്ത് സ്റ്റെലായി ജോജു

News Desk

03 September 2019 05:09 PM

വെനീസ് ചലചിത്രമേളയിലാണ് മുണ്ടുടുത്തു തനി കേരളീയ ലുക്കിൽ എത്തിയ ജോജു ജോർജ് എത്തിയത്.

ജോജു ജോര്‍ജിനെയും നിമിഷ സജയനെയും പ്രധാന കഥാപാത്രങ്ങളാക്കി സനല്‍ കുമാര്‍ സംവിധാനം ചെയ്ത ചോല എന്ന സിനിമ വെനീസ് ചലചിത്രമേളയില്‍ പ്രദര്‍ശിപ്പിച്ചു.ചലച്ചിത്ര മേളയിലെ മത്സരവിഭാഗങ്ങളില്‍ ഒന്നായ ഓറിസോന്റ്‌റി മത്സരത്തിലേയ്ക്കാണ് ചിത്രം തിരഞ്ഞെടുക്കപ്പെട്ടത്. സനല്‍ കുമാര്‍ ശശിധരന്‍, ജോജു ജോര്‍ജ്ജ്, നിമിഷ സജയന്‍, സിജോ വടക്കന്‍ ,ഷാജി മാത്യു എന്നിവര്‍ ചിത്രത്തിന്‍റെ പ്രദര്‍ശനം കാണാന്‍ റെഡ് കാര്‍പ്പറ്റ് വേള്‍ഡ് പ്രിമിയറില്‍ എത്തിയിരുന്നു. അപ്പോഴാണ് മുണ്ടുടുത്ത് നാടന്‍ ലുക്കിൽ ജോജു പ്രത്യക്ഷപ്പെട്ടത്.

മുണ്ടുടുത്തു തനി കേരളീയ ലുക്കിൽ എത്തിയ ജോജുവിന്റെ ചിത്രങ്ങൾ സോഷ്യൽ മീഡിയയിൽ വൈറലാണ്. സംവിധായകൻ വി സി അഭിലാഷ്, മുക്കിലെ മുറുക്കാൻ കടയിൽ കപ്പലണ്ടി വാങ്ങാൻ പോകുന്ന ലാഘവത്തോടെ വെനീസ് മേളയുടെ റെഡ് കാർപെറ്റിൽ കയറിയ ആദ്യത്തെയാൾ എന്നാണ് ജോജുവിനും ചോല ടീമിനും ആശംസകൾ നേർന്നത്..

ഏറെ നാളത്തെ ഇടവേളക്ക് ശേഷം വെനീസ് മേളയില്‍ തിരഞ്ഞെടുക്കപ്പെടുന്ന മലയാള ചിത്രമാണ് ചോല. അടൂര്‍ ഗോപാലകൃഷ്ണന്റെ മതിലുകള്‍, നിഴല്‍ കൂത്ത് എന്നിവയാണ് ഇതിനു മുമ്പ് വെനീസ് ചലച്ചിത്രമേളയിലേക്ക് മലയാളത്തില്‍ നിന്ന് പ്രദര്‍ശിപ്പിക്കപ്പെട്ട മലയാള ചിത്രങ്ങള്‍.