മരട് ഫ്ലാറ്റ് പൊളിക്കൽ: തുടർനടപടികൾക്ക് സബ് കലക്ടർക്ക് ചുമതല
കൊച്ചി : മരടിലെ ഫ്ലാറ്റുകൾ പൊളിച്ചുനീക്കണമെന്ന സുപ്രീംകോടതി വിധിയുടെ തുടർപ്രവർത്തനങ്ങൾക്ക് നേതൃത്വം നൽകാൻ ഫോർട്ട് കൊച്ചി സബ്കലക്ടർ സ്നേഹിൽ കുമാർ സിങ്ങിനെ സർക്കാർ ചുമതലപ്പെടുത്തി. പൊളിക്കേണ്ട ഫ്ളാറ്റുകളിലേക്കുള്ള വൈദ്യുതി ബന്ധവും പാചകവാതക വിതരണവും നിർത്തിവെയ്ക്കണ മെന്നാവശ്യപ്പെട്ട് മരട് നഗരസഭ ബന്ധപ്പെട്ടവർക്ക് കത്തുനൽകിയിട്ടുണ്ട്.
ഈ നടപടി മനുഷ്യവകാശലംഘനമാണെന്ന് ഫ്ളാറ്റുടമകൾ പറഞ്ഞു. ഒഴിഞ്ഞുപോകണമെന്നാവശ്യപ്പെട്ട് നഗരസഭ നൽകിയ നോട്ടീസ് ചോദ്യംചെയ്ത് ഫ്ളാറ്റുടമകൾ നൽകിയ ഹർജി ഹൈക്കോടതി തള്ളിയിരുന്നു.