രേഖകളില്ലാതെ സ്വർണ്ണം പിടികൂടി

News Desk

01 August 2019 02:05 PM

പാലക്കാട് : നഗരത്തിൽ നിന്ന് രേഖകളില്ലാതെ കടത്തുകയായിരുന്ന 2.3 കിലോഗ്രാം സ്വർണ്ണം പിടികൂടി. രാജസ്ഥാൻ ജുൻജുരു ജില്ലക്കാരനായ നരേഷ് (36) എന്നയാളെ പോലീസ് കസ്റ്റഡിയിൽ എടുത്തു. ടൗൺ സൗത്ത് പോലീസും ജില്ലാ ക്രൈം സ്ക്വാഡും സംയുക്തമായി നടത്തിയ പരിശോധനയിലാണ് ബുധനാഴ്ച രാത്രി കെഎസ്ആർടിസി ബസ് സ്റ്റാന്റിൽ നിന്ന് പിടികൂടിയത്. സംശയം തോന്നി ബാഗ് പരിശോധിച്ചപ്പോളാണ് സ്വർണ്ണാഭരണങ്ങൾ കണ്ടത്.

തൃശ്ശൂരിലെ സ്വകാര്യ സ്ഥാപനത്തിൽ നിന്ന് മുംബെയിലേക്കാണ് സ്വർണ്ണം കൊണ്ടു പോവുന്നതെന്ന് പ്രാഥമിക അന്വേഷണത്തിൽ തെളിഞ്ഞു. പാലക്കാട് ഡിവൈഎസ്പി സാജു കെ അബ്രഹാം, നർകോട്ടിക് സെൽ ഡിവൈഎസ്പി ബാബു തോമസ് എന്നിവരുടെ നേതൃത്വത്തിൽ ടൗൺ സൗത്ത് സിഐ ജ്യോതീന്ദ്രകുമാർ , എസ്ഐ ആർ രഞ്ജിത്, ഡിസ്ട്രിക് ആന്റി നർക്കോട്ടിക് സ്‌പെഷ്യൽ ആക്ഷൻ ഫോഴ്‌സ് ക്രൈം സ്ക്വാഡ് അംഗങ്ങളായ ആലത്തൂർ എസ്‌ഐ അരുൺ, ജോൺസൺ ലോബൊ, സി എസ് സാജിദ്, ഷമീർ, എന്നിവരടങ്ങിയ സംഘമാണ് സ്വർണ്ണക്കടത്ത് പിടികൂടിയത്.