ആറ്റിങ്ങല്‍ ഫയര്‍ സ്റ്റേഷനിലെ 10 ജീവനക്കാര്‍ക്ക് കോവിഡ്
തിരുവനന്തപുരം: ആറ്റിങ്ങല്‍ ഫയര്‍ സ്റ്റേഷനിലെ 10 ജീവനക്കാര്‍ക്ക് രോഗം സ്ഥിരീകരിച്ചു. ഇന്നലെയും ഇന്നുമായി പരിശോധിച്ച പത്ത് പേര്‍ക്കാണ് കോവിഡ് സ്ഥിരീകരിച്ചത്. ഇതില്‍ ആറ്റിങ്ങല്‍ കൊല്ലമ്ബുഴ സ്വദേശി ഒരാളും മടവൂര്‍, വെഞ്ഞാറമൂട്, ആര്യനാട്, കുളത്തൂര്‍, കിളിമാനൂര്‍ സ്വദേശികളായ 9 പേരും ഉണ്ടെന്ന് നഗരസഭ ഹെല്‍ത്ത് സൂപ്പര്‍വൈസര്‍ ബി.അജയകുമാര്‍ പറഞ്ഞു.
കഴിഞ്ഞ ദിവസം രോഗ ലക്ഷണം ഉണ്ടായതിനെ തുടര്‍ന്നാണ് ഉദ്യോഗസ്ഥര്‍ വലിയകുന്ന് ആശുപത്രിയില്‍ പരിശോധനക്ക് വിധേയമായത്. രോഗം സ്ഥിരീകരിച്ചവരില്‍ 2 പേര് റൂം ക്വാറന്റൈനിലും, ഒരാള്‍ മെഡിക്കല്‍ കോളേജിലും, ബാക്കിയുള്ളവര്‍ വട്ടിയൂര്‍കാവ് കോവിഡ് ചികില്‍സാ കേന്ദ്രത്തിലേക്കും മാറ്റിയതായി നഗരസഭാ ചെയര്‍മാന്‍ എം.പ്രദീപ് അറിയിച്ചു. തൊട്ടടുത്ത ദിവസങ്ങളിലായി ബാക്കിയുള്ള ഉദ്യോഗസ്ഥരെയും പരിശോധിക്കുമെന്ന് നഗരസഭ ആരോഗ്യ വിഭാഗം അറിയിച്ചു.
മാമത്തെ ഇന്‍ഡസ് ഇന്‍ എന്ന സ്ഥാപനത്തിലെ ജീവനക്കാരന് രോഗം സ്ഥിരീകരിച്ചു. വഞ്ചിയൂര്‍ സ്വദേശി 24 കാരനായ ഇയാളെ വക്കം സി.എഫ്.എല്‍.റ്റി.സി യിലേക്ക് മാറ്റിയതായി ഹെല്‍ത്ത് ഇന്‍സ്‌പെക്ടര്‍ എസ്.എസ്.മനോജ് അറിയിച്ചു. ഈ സ്ഥാപനത്തില്‍ 30 ജീവനക്കാര്‍ ജോലി ചെയുന്നു. ഇവരെ സ്വയം നിരീക്ഷണത്തില്‍ പ്രവേശിക്കാന്‍ ആരോഗ്യ വിഭാഗം നിര്‍ദ്ദേശിച്ചു. രോഗ വ്യാപന സാധ്യത കണക്കിലെടുത്ത് സ്ഥാപനം താല്‍ക്കാലികമായി അടച്ചിടാന്‍ നിര്‍ദ്ദേശിച്ചതായി ചെയര്‍മാന്‍ എം.പ്രദീപ് അറിയിച്ചു. ജെ.എച്ച്‌.ഐ ഹാസ്മി, ഷെന്‍സി, അഭിനന്ദ് എന്നിവരുടെ നേതൃത്വത്തില്‍ സ്ഥാപനവും പരിസരവും ഡിസ് ഇന്‍ഫെക്ഷന്‍ ചെയ്തു.
Related News
കോവിഡ് ഡ്യൂട്ടിക്ക് ഹാജരാകാത്ത രണ്ട് ഡോക്ടര്മാരെ പിരിച്ചു വിട്ടു
51,887 പേര്ക്ക് കോവിഡ്-19 സ്ഥിരീകരിച്ചു
ഇന്ന് 16,671 പേര്ക്ക് കോവിഡ്; രോഗമുക്തി നേടിയവര് 14,242
പ്രഖ്യാപിച്ചത് വന് ഇളവുകള്, കടകള് രാത്രി ഒന്പതുവരെ തുറക്കാം , കല്യാണത്തിനും മരണത്തിനും ഇരുപതുപേര് മാത്രം