കൊവിഡ് പാക്കേജുമായി കേരളം
തിരുവനന്തപുരം : കോവിഡ് ബാധയെത്തുടർന്ന് സംസ്ഥാനത്തുണ്ടാകുന്ന സാമ്പത്തിക പ്രതിസന്ധി മറികടക്കാൻ 20000 കോടി രൂപയുടെ സാമ്പത്തിക പാക്കേജ് മുഖ്യമന്ത്രി പിണറായി വിജയൻ പ്രഖ്യാപിച്ചു.
സാമ്പത്തിക പാക്കേജ് ഇങ്ങനെ :
- ഏപ്രില് മാസത്തേതടക്കം രണ്ടുമാസത്തെ സാമൂഹ്യസുരക്ഷാ പെന്ഷനുകള് ഈ മാസം ,
1,320 കോടി രൂപ ചെലവഴിക്കും - പെന്ഷന് ഇല്ലാത്ത ബിപിഎല് - അന്ത്യോദയ വിഭാഗത്തില് പെട്ട അര്ഹരായവര്ക്ക് 1000 രൂപ ധനസഹായം
- എല്ലാ കുടുംബങ്ങള്ക്കും ഒരു മാസത്തേക്ക് സൗജന്യ ഭക്ഷ്യധാന്യങ്ങള്
- 1000 ഭക്ഷണശാലകളിലൂടെ കുറഞ്ഞ നിരക്കില് ഊണ് നല്കുന്ന പദ്ധതി വേഗത്തില് ആരംഭിക്കും.
- 25 രൂപയ്ക്ക് ഊണ് എന്നത് 20 രൂപയായി കുറച്ചു
- 500 കോടി രൂപയുടെ ഹെല്ത്ത് പാക്കേജ്.
- രണ്ട് മാസത്തിനുളളില് കുടുംബശ്രീ വഴി രണ്ടായിരം കോടി രൂപയുടെ വായ്പ.
- രണ്ട് മാസത്തിനുളളില് ഗ്രാമീണ തൊഴിലുറപ്പ് പദ്ധതി മുഖേന രണ്ടായിരം കോടി രൂപയുടെ തൊഴില് ദിനം.
- സര്ക്കാര് നല്കേണ്ട എല്ലാ കുടിശിക തുകകളും ഏപ്രില് മാസത്തോടെ തീര്ക്കും, 14,000 കോടി രൂപ ചെലവഴിക്കും.
- ഓട്ടോ, ടാക്സി, ഫിറ്റ്നസ് ചാര്ജ് ഇളവ്.
- ബസ് (സ്റ്റേജ് കാരിയര്, കോണ്ട്രാക്ട് കാരിയര്) വാഹനങ്ങള്ക്ക് ടാക്സില് ഇളവ്.
- വൈദ്യുതി- വാട്ടര് അതോറിറ്റി ബില്ലുകള് അടയ്ക്കാന് ഒരുമാസത്തെ സാവകാശം.
- സിനിമാ തിയറ്ററുകള്ക്ക് എന്റര്ടെയിന്മെന്റ് ടാക്സ് ഇളവ്