ബ്രസീലിയന് പ്രസിഡന്റ് ന് കൊവിഡ് സ്ഥിരീകരിച്ചു
ബ്രസീലിയ: ബ്രസീല് പ്രസിഡന്റ് ജെയ്ര് ബൊല്സൊണാരോയ്ക്ക് കൊവിഡ് വൈറസ് സ്ഥിരീകരിച്ചു. കടുത്ത പനിയും ജലദോഷവും അനുഭവപ്പെട്ടതിനെത്തുടര്ന്ന് ബൊല്സൊണാരോയ്ക്ക് നാല് തവണ ടെസ്റ്റ് നടത്തിയിരുന്നു. നാലാം ടെസ്റ്റിലാണ് രോഗം സ്ഥിരീകരിച്ചത്.
കൊവിഡ് രോഗബാധ വലിയ കാര്യമൊന്നുമല്ലെന്നും അതൊരു ചെറിയ പനി മാത്രമല്ലേ എന്നും പുച്ഛിച്ചുതള്ളിയ ഭരണാധികാരിയ്ക്കാണ് കൊവിഡ് രോഗബാധ സ്ഥിരീകരിച്ചിരിക്കുന്നത്. രോഗവ്യാപന സാധ്യത അങ്ങേയറ്റം അപകടകരമായി നിൽകുമ്പോൾ എല്ലാ നിയന്ത്രണങ്ങളും ബൊല്സൊണാരോ പിന്വലിച്ചിരുന്നു. മാസ്ക് വയ്ക്കേണ്ട കാര്യമില്ലെന്നും ബൊല്സൊണാരോ പറഞ്ഞിരുന്നു.