സംസ്ഥാനത്തെ നാല് ജില്ലകളില് കോവിഡ് വാക്സിന് ഡ്രൈ റണ് ഇന്ന്
തിരുവനന്തപുരം : കേരത്തിലെ നാല് ജില്ലകളില് കോവിഡ് വാക്സിന് ഡ്രൈ റണ് ഇന്ന് . തിരുവനന്തപുരം, വയനാട്, ഇടുക്കി, പാലക്കാട് ജില്ലകളിലാണ് ഡ്രൈ റണ് നടത്തുക . രാവിലെ 9 മുതല് 11 വരെയാണ് ഡ്രൈ റണ് . തിരുവനന്തപുരം ജില്ലയിലെ പൂഴനാട് പ്രാഥമികാരോഗ്യ കേന്ദ്രം, പേരൂര്ക്കട ജില്ലാ മാതൃക ആശുപത്രി, കിംസ് ആശുപത്രി, ഇടുക്കി ജില്ലയിലെ വാഴത്തോപ്പ് പ്രാഥമികാരോഗ്യ കേന്ദ്രം, പാലക്കാട് ജില്ലയിലെ നെന്മാറ സാമൂഹ്യാരോഗ്യ കേന്ദ്രം, വയനാട് ജില്ലയിലെ കുറുക്കാമൂല പ്രാഥമികാരോഗ്യ കേന്ദ്രം എന്നിവിടങ്ങളിലാണ് ഡ്രൈ റണ് നടക്കുന്നത്. ഡ്രൈ റണ് നടക്കുന്ന ഓരോ കേന്ദ്രത്തിലും 25 ആരോഗ്യ പ്രവര്ത്തകര് വീതമാണ് ഡ്രൈ റണ്ണില് പങ്കെടുക്കുക. എല്ലാ സ്ഥലങ്ങളിലും വാക്സിന് കാരിയര് ഉള്പ്പെടെയുള്ള എല്ലാ സജ്ജീകരണവും ഒരുക്കിയിട്ടുണ്ട് .
കോവിഡ് വാക്സിനേഷനായി ഇതുവരെ 3.13 ലക്ഷം പേരാണ് രജിസ്റ്റര് ചെയ്തത്. ലാര്ജ് ഐഎല്ആര് 20, വാക്സിന് കാരിയര് 1,800, കോള്ഡ് ബോക്സ് വലുത് 50, കോള്ഡ് ബോക്സ് ചെറുത് 50, ഐസ് പായ്ക്ക് 12,000 എന്നിവ സംസ്ഥാനത്ത് എത്തിയിട്ടുണ്ട്. ഒരിക്കല് മാത്രം ഉപയോഗിക്കാന് പറ്റുന്ന 14 ലക്ഷം സിറിഞ്ചുകള് ഉടന് സംസ്ഥാനത്തെത്തും.
വാക്സിനേഷന് യഥാര്ഥത്തില് നടത്തുന്നതിനു മുന്നോടിയായി അതിന്റെ പ്രയാസങ്ങളും വെല്ലുവിളികളും മനസിലാക്കാനാണ് ഡ്രൈ റണ് നടത്തുന്നത്. ഇതിലൂടെ വാക്സിന് സംഭരണം, സൂക്ഷിക്കല്, വിതരണം എന്നിവയിലെ പ്രശ്നങ്ങള് പരിഹരിക്കാനാകും.