'ഡിവൈഎഫ്ഐക്കാര്ക്ക് മാത്രമേ പീഡിപ്പിക്കാന് പാടുളളൂവെന്ന് എഴുതി വെച്ചിട്ടുണ്ടോ'? വിവാദ പരാമര്ശവുമായി ചെന്നിത്തല
തിരുവനന്തപുരം: തിരുവനന്തപുരത്ത് ഹെല്ത്ത് ഇന്സ്പെക്ടര് ക്വാറന്റൈനില് കഴിഞ്ഞിരുന്ന യുവതിയെ പീഡിപ്പിച്ച സംഭവത്തില് വിവാദ പ്രസ്താവനയുമായി പ്രതിപക്ഷ നേതാവ് രമേശ് ചെന്നിത്തല. 'ഡിവൈഎഫ്ഐക്കാര്ക്ക് മാത്രമേ പീഡിപ്പിക്കാന് കഴിയൂ എന്നുണ്ടോ' എന്നാണ് രമേശ് ചെന്നിത്തലയുടെ ചോദ്യം.
പീഡന കേസില് അറസ്റ്റിലായ ജൂനിയര് ഹെല്ത്ത് ഇന്സ്പെക്ടര് പ്രദീപ് കോണ്ഗ്രസ് അനുകൂല സംഘടനയുടെ അംഗവും സജീവ പ്രവര്ത്തകനുമല്ലേ എന്നുള്ള ചോദ്യത്തിനാണ് രമേശ് ചെന്നിത്തലയുടെ വിവാദ മറുപടി. യുഡിഎഫ് യോഗത്തിന്റെ തീരുമാനം വിശദീകരിച്ചുകൊണ്ട് പ്രതിപക്ഷ നേതാവ് വിളിച്ചുചേര്ത്ത വാര്ത്താ സമ്മേളനത്തിലാണ് വിവാദ പ്രസ്താവന നടത്തിയിരിക്കുന്നത്. കാസര്കോട് ജ്വല്ലറി തട്ടിപ്പു കേസില് പ്രതിയായ മുസ്ലീം ലീഗ് എംഎല്എ എംസി കമറുദ്ദീനെ അനുകൂലിച്ചും ചെന്നിത്തല രംഗത്തെത്തി. 'അദ്ദേഹം ജീവിക്കാന് വേണ്ടി ഒരു സ്ഥാപനം തുടങ്ങി. സ്ഥാപനം പൊളിഞ്ഞുപോയി. കൊടുക്കാനുള്ളവര്ക്ക് അദ്ദേഹം കാശ് കൊടുക്കും എന്നാണ് പറയുന്നത്. അല്ലാതെ അദ്ദേഹം ആരെയും കളിപ്പിച്ചിട്ടില്ലെന്നാണ് എനിക്കു നല്കിയ മറുപടി. അദ്ദേഹവും വേറെ ചിലരും ചേര്ന്ന് തുടങ്ങിയ വ്യവസായ സംരംഭമാണ്. അത് മുന്നോട്ടു പോയില്ല. എല്ലാ സംരംഭങ്ങളും വിജയിക്കണമെന്നില്ലല്ലോ' എന്നും ചെന്നിത്തല പറഞ്ഞു.