മോദി 2.0: രാഷ്ട്രപതിഭവനിലെ ഏറ്റവും വലിയ ചടങ്ങാകും
ഇന്ത്യയുടെ പ്രധാനമന്ത്രി പദത്തില് നരേന്ദ്രമോദിയുടെ രണ്ടാം ഊഴത്തിന് ഇന്ന് തുടക്കം. രാഷ്ട്രപതിഭവനില് വൈകിട്ട് ഏഴ് മണിക്കാണ് ചടങ്ങുകള് ആരംഭിക്കുന്നത്. രാഷ്ട്രപതി രാം നാഥ് കോവിന്ദ് നിയുക്ത പ്രധാനമന്ത്രിക്ക് സത്യവാചകം ചൊല്ലിക്കൊടുക്കും. ഒന്നര മണിക്കൂറോളം നീളുന്ന ചടങ്ങില് എണ്ണായിരത്തോളം ക്ഷണിക്കപ്പെട്ട അതിഥികള് പങ്കെടുക്കും. രാഷ്ട്രപതി ഭവന്റെ ചരിത്രത്തിലെ ഏറ്റവും വലിയ ചടങ്ങാണ് ഇന്ന് നടക്കാന് പോകുന്നത്. 2014നെക്കാള് വലിയ ഭൂരിപക്ഷത്തിലാണ് ഇത്തവണ എന്ഡിഎ അധികാരത്തിലേറുന്നത്. ചടങ്ങില് ബിംസ്റ്റെക്( ബേ ഓഫ് ബംഗാള് ഇനിഷ്യേറ്റീവ് ഫോര് മള്ട്ടി സെക്ടറല് ടെക്നിക്കല് ആന്ഡ് ഇക്കണോമിക് കോ-ഓപ്പറേഷന്) രാഷ്ട്രത്തലവന്മാരുടെ സാന്നിദ്ധ്യമാകും ചടങ്ങിന്റെ മുഖ്യ ആകര്ഷണം. അയല്രാജ്യങ്ങള്ക്ക് കൂടുതല് പ്രാധാന്യം നല്കുക എന്ന നയത്തിന്റെ ഭാഗമായിട്ടാണ് ഇവരെ ക്ഷണിച്ചിരിക്കുന്നത്. ശ്രീലങ്ക, ബംഗ്ലാദേശ്, മ്യാന്മര്, തായ്ലന്ഡ്, നേപ്പാള്, മൗറീഷ്യസ്, ഭൂട്ടാന് എന്നീ രാജ്യങ്ങളാണ് ഈ കൂട്ടായ്മയിലുള്ളത്. ഇവര്ക്ക് പുറമെ 7000ത്തോളം ക്ഷണിക്കപ്പെട്ട അതിഥികളും ചടങ്ങില് പങ്കെടുക്കും. 2014-നേക്കാള് വിപുലമായ രീതിയിലാകും സത്യപ്രതിജ്ഞ ചടങ്ങുകള് നടക്കുക.