ഭീകരവാദം; പാകിസ്ഥാൻ കരിമ്പട്ടികയിൽ
ന്യൂഡല്ഹി: പാകിസ്താന് കനത്ത തിരിച്ചടിയായി ഭീകരവാദത്തിന്റെ പേരില് ആ രാജ്യത്തെ കരിമ്പട്ടികയില് പെടുത്തി. ഫിനാന്ഷ്യല് ആക്ഷന് ടാസ്ക് ഫോഴ്സിന്റെ നിരീക്ഷണ ഏജന്സികളിലൊന്നായ ഏഷ്യാ പസഫിക് ഗ്രൂപ്പാണ് പാകിസ്താനെ കരിമ്പട്ടികയില് ചേര്ത്തത്. ഭീകരവാദത്തിനും അതിന് സാമ്പത്തിക സഹായം നല്കുന്നതും തടയാന് നിര്ദ്ദേശിച്ച മാനദണ്ഡങ്ങള് പൂര്ത്തിയാക്കാന് സാധിക്കാത്തതിനെ തുടര്ന്നാണ് നടപടി.
കള്ളപ്പണം വെളുപ്പിക്കല്, ഭീകരവാദത്തിന് സാമ്പത്തിക സഹായം ലഭ്യമാക്കല് തുടങ്ങിയവ തടയാനായി നിര്ദ്ദേശിക്കപ്പെട്ട 40 നടപടികളില് 32 എണ്ണവും നിശ്ചിത സമയപരിധിക്കുള്ളില് പാകിസ്താന് പൂര്ത്തിയാക്കാന് സാധിച്ചിട്ടില്ലെന്ന് ഫിനാന്ഷ്യല് ആക്ഷന് ടാസ്ക് ഫോഴ്സിന്റെ മേഖലയിലെ സംഘടനയായ ഏഷ്യാ പസഫിക് ഗ്രൂപ്പ് കണ്ടെത്തിയിരുന്നു. ഫിനാന്ഷ്യല് ആക്ഷന് ടാസ്ക് ഫോഴ്സിന്റെ ഒമ്പത് മേഖലാ സംഘടനകളിലൊന്നാണ് ഏഷ്യാ പസഫിക് ഗ്രൂപ്പ്.