സംസ്ഥാനത്ത് അഞ്ച് ജില്ലകളില് ഇന്ന് യെല്ലോ അലെര്ട്ട് പ്രഖ്യാപിച്ചു
ആന്ഡമാന് കടലില് രൂപപ്പെട്ട ന്യൂനമര്ദം ഇന്ന് ബംഗാള് ഉള്ക്കടലില് പ്രവേശിച്ച് ശക്തി പ്രാപിക്കുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. പടിഞ്ഞാറ് വടക്ക് പടിഞ്ഞാറ് ദിശയില് സഞ്ചരിച്ച് തീവ്ര ന്യൂനമര്ദ്ദമായി നാളെ വൈകുന്നേരത്തോടെ വടക്കന് ആന്ധ്രാപ്രദേശിന്റെയും തെക്കല് ഒഡിഷ തീരത്തിനുമിടയില് കരയില് പ്രവേശിക്കാന് സാധ്യതയുണ്ട്.
ഒഡീഷ, തീരദേശ ആന്ധ്ര, ബംഗാള്, തെലങ്കാന സംസ്ഥാനങ്ങളില് കനത്ത മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ട്. കേരളത്തില് ഇന്നും നാളെയും ഒറ്റപ്പെട്ട ശക്തമായ മഴയ്ക്ക് സാധ്യതയെന്നും പ്രവചനം നടത്തിയിട്ടുണ്ട്. ഇടുക്കി, മലപ്പുറം, കോഴിക്കോട്, വയനാട്, കണ്ണൂര് ജില്ലകളില് ഇന്നും നാളെയും യെല്ലോ അലേര്ട്ട് പ്രഖ്യാപിച്ചു. കേരള തീരത്ത് മത്സ്യ ബന്ധനത്തിന് തടസമില്ല.