ചെയര്‍മാന്‍ തെരഞ്ഞെടുപ്പിനിടയില്‍ തര്‍ക്കം; പാലക്കാട് നഗരസഭയില്‍ വോട്ടെടുപ്പ് തടസപ്പെട്ടു
പാലക്കാട് നഗരസഭ ചെയര്‍മാന്‍ തെരഞ്ഞെടുപ്പില്‍ തര്‍ക്കത്തെ തുടര്‍ന്ന് വോട്ടെടുപ്പ് തടസപ്പെട്ടു. പാലക്കാട് നഗരസഭ മൂന്നാം വാര്‍ഡ് കൗണ്‍സിലറും ബിജെപി കൗണ്‍സിലറുമായ ബി. നടേശന് വോട്ട് ചെയ്തതിന് ശേഷം ബാലറ്റ് പേപ്പര്‍ ഭരണാധികാരിയ്ക്ക് ഏല്‍പ്പിക്കുന്നതിന് മുന്‍പ് തന്നെ തിരിച്ചെടുത്തുവെന്നാണ് പാരാതി. മാത്രമല്ല, ബാലറ്റ് ഉയര്‍ത്തി കാണിച്ചുവെന്നും പ്രതിപക്ഷം പരാതിപ്പെടുന്നു.
മാധ്യമങ്ങള്‍ നോക്കി നില്‍ക്കെയാണ് നടേശന് ഇക്കാര്യങ്ങള്‍ ചെയ്തതെന്നും പ്രതിപക്ഷം പരാതി ഉന്നയിച്ചു. സംഭവത്തെ തുടര്‍ന്ന് കോണ്‍ഗ്രസ്, സിപിഎം പ്രവര്‍ത്തകര്‍ ബാലറ്റ് തിരികെ വാങ്ങാനുള്ള ശ്രമങ്ങളാണ് തര്‍ക്കത്തില്‍ കലാശിച്ചത്. നിലവില്‍ നടേശന്റെ വോട്ട് അസാധുവാക്കണമെന്നാണ് കോണ്‍ഗ്രസിന്റെയും സിപിഎമ്മിന്റെയും ആവശ്യം.
അതേസമയം, ബിജെപിയിലെ അംഗങ്ങള്‍ നടേശന് പിന്തുണയുമായി എത്തിയിട്ടുണ്ട്.
52 കൗണ്‍സിലര്‍മാരടങ്ങുന്ന പാലക്കാട് നഗരസഭയില്‍ ബിജെപിയ്ക്ക് 28 കൗണ്‍സിലര്‍മാരുണ്ട്. ബിജെപിയുടെ ശക്തി കേന്ദ്രമായ പാലക്കാട് നഗരസഭയില്‍ ബിജെപിയുടെ കെ പ്രിയ തന്നെ ചെയര്‍പേഴ്‌സണ്‍ സ്ഥാനത്തേക്ക് പരിഗണിക്കപ്പെടും. നടേശന്റേത് ചട്ടവിരുദ്ധമായ നടപടിയെന്ന് ചൂണ്ടിക്കാട്ടിയാണ് പ്രതിപക്ഷ അംഗങ്ങള്‍ പ്രതിഷേധവുമായി രംഗത്ത് എത്തിയിരിക്കുന്നത്.
Related News
രാജ്യത്ത് വീണ്ടും ലിഥിയം ശേഖരം കണ്ടെത്തി
മൂന്നാം തരംഗം നേരിടാന് തയ്യാറെടുപ്പുകള് ഊര്ജിതമാക്കും: മന്ത്രി വീണാ ജോര്ജ്
പശ്ചിമ ബംഗാളില് അവസാന ഘട്ട വോട്ടെടുപ്പ് പുരോഗമിക്കുന്നു
സംസ്ഥാനത്ത് പോളിംഗ് 54 ശതമാനം കടന്നു