പാര്‍ട്ടി ചട്ടങ്ങള്‍ ലംഘിച്ചു ; ജനതാദള്‍ എസ് കേരളഘടകം പിരിച്ചു വിട്ടു
തിരുവനന്തപുരം: പാര്‍ട്ടി ചട്ടങ്ങള്‍ ലംഘിച്ചതിനെ തുടര്‍ന്ന് സി.കെ.നാണു അധ്യക്ഷനായ ജനതാദള്‍ എസ് കേരളഘടകം പിരിച്ചു വിട്ടു. പാര്‍ട്ടി ദേശീയ അധ്യക്ഷന്‍ എച്ച്.ഡി.ദേവഗൗഡയാണ് ഇക്കാര്യം അറിയിച്ചത്. സി.കെ.നാണുവിന് പകരം മാത്യു ടി തോമസ് അധ്യക്ഷനായി താത്കാലിക അഡ്‌ഹോക്ക് കമ്മിറ്റിക്ക് പാര്‍ട്ടിയുടെ നടത്തിപ്പ് ചുമതല നല്‍കിയിട്ടുണ്ട്. മാത്യു ടി തോമസ് അധ്യക്ഷനും ജോസ് തെറ്റയില്‍ ഉപാധ്യക്ഷനുമായ കമ്മിറ്റിയില്‍ സി കെ നാണുവിന് ഒരു പദവിയുമില്ല.
സംസ്ഥാന-ജില്ലാ ഭാരവാഹികളെ നിശ്ചയിക്കുന്നതിലടക്കം നാണു കോര്‍കമ്മിറ്റിയുമായി ആലോചിക്കാതെ ഏകപക്ഷീയ തീരുമാനങ്ങള്‍ എടുത്ത് പാര്‍ട്ടിയെ ദുര്‍ബലപ്പടുത്തിയെന്ന് എച്ച് ഡി ദേവഗൗഡ പറഞ്ഞു. നാണുവിനെതിരെ മാത്യു ടി തോമസ് വിഭാഗം നല്‍കിയ പരാതിയെ തുടര്‍ന്നാണ് ദേശീയ അധ്യക്ഷന്‍ ദേവഗൗഡ തീരുമാനമെടുത്തത് എന്നാണ് സൂചന.
ലോക്താന്ത്രിക് ജനതാദള്ളുമായുള്ള ലയനത്തിന് ദേവഗൗഡ പച്ചക്കൊടി കാട്ടിയിട്ടും പാര്‍ട്ടിയിലെ ചേരിപോരിനെ തുടര്‍ന്ന് അതു സാധ്യമായിരുന്നില്ല. സി.കെ നാണു നിയമിച്ച കോട്ടയം ജില്ലാ പ്രസിഡന്റിനെ ദേശീയ നേതൃത്വം ഏകപക്ഷീയമായി മാറ്റിയതിനെ തുടര്‍ന്ന് നാണു ഇടഞ്ഞുനില്‍ക്കുകയായിരുന്നു. സംസ്ഥാന പ്രസിഡന്റിനെതിരായ നീക്കത്തിന്റെ ഭാഗമായി 15ന് മാത്യു ടി പക്ഷം സംസ്ഥാന കമ്മിറ്റി വിളിച്ചുചേര്‍ത്തിരുന്നു. അതിനിടെയാണ് കേന്ദ്ര ഇടപെടല്‍.
പാര്‍ട്ടിയുടെ ദേശീയ വര്‍ക്കിംഗ് പ്രസിഡന്റ് ബി എം ഫാറൂഖിന്റെ നിര്‍ദ്ദേശപ്രകാരം നടപടിയെടുക്കാനുള്ള നാണു റിപ്പോര്‍ട്ടുചെയ്ത നിഷ്‌ക്രിയത്വത്തിന് മറുപടിയായാണ് ഗൗഡയുടെ നടപടി. ഉത്തരവ് പ്രകാരം സെപ്റ്റംബര്‍ 24 ന് ഫാറൂഖ് നാണുവിന് നോട്ടീസ് നല്‍കിയിരുന്നു. എന്നാല്‍ നാണു അത് പാലിക്കുകയോ മറുപടി നല്‍കുകയോ ചെയ്തില്ല, ഗൗഡ പറഞ്ഞു. കേരള സ്റ്റേറ്റ് യൂണിറ്റ് ശക്തിപ്പെടുത്തുന്നതിനായി നാണു ഒരു നടപടിയും സ്വീകരിച്ചിട്ടില്ല. നേരെമറിച്ച്‌ അദ്ദേഹം പാര്‍ട്ടിയെ അസ്ഥിരപ്പെടുത്താന്‍ പ്രവര്‍ത്തിച്ചിട്ടുണ്ടെന്നും അദ്ദേഹം പറഞ്ഞു
വൈസ് പ്രസിഡന്റായി സേവനമനുഷ്ഠിക്കുന്ന ജോസ് തെറ്റയില്‍, ജമീല പ്രകാശം എന്നിവരാണ് അഡ്‌ഹോക്ക് കമ്മിറ്റിയിലെ മറ്റ് അംഗങ്ങള്‍. ബെന്നി മൂണ്‍ജെലി, വി മുരുകദാസ്, ബെജ്ലി ജോസഫ് എന്നിവരാണ് ജനറല്‍ സെക്രട്ടറിമാര്‍. മുഹമ്മദ് ഷാ ട്രഷററാകും.