വെഞ്ഞാറമൂട് ഇരട്ടക്കൊല: രണ്ടാംപ്രതി അന്സര് അറസ്റ്റില്
തിരുവനന്തപുരം: വെഞ്ഞാറമൂട് ഇരട്ടക്കൊലക്കേസിലെ രണ്ടാം പ്രതി അന്സര് അറസ്റ്റില്. ഒളിവില് കഴിഞ്ഞ മദപുരത്തെ ബന്ധുവീട്ടില് നിന്നാണ് അന്സര് പിടിയിലായത്. ഒളിവില്പോയി അഞ്ചാം ദിവസമാണ് ഇയാള് പിടിയിലായത്. ഇതോടെ പിടിയിലായവരുടെ എണ്ണം ഒന്പതായി. കേസില് തിരിച്ചറിഞ്ഞ എല്ലാ പ്രതികളും പിടിയിലായി.
കഴിഞ്ഞ ദിവസം ഐഎന്ടിയുസി പ്രവര്ത്തകന് ഉണ്ണി പിടിയിലായിരുന്നു. കൊലപാതകത്തില് നേരിട്ട് പങ്കുള്ളയാളാണ് ഉണ്ണി. വെഞ്ഞാറമൂടിനടുത്ത് മദപുരത്തുള്ള ഒളിസങ്കേതത്തില് നിന്നാണ് പിടികൂടിയത്.