വി.കെ. ഇബ്രാഹിംകുഞ്ഞിന്റെ ജാമ്യാപേക്ഷയില് ഇന്ന് വാദം കേള്ക്കും
കൊച്ചി :പാലാരിവട്ടം പാലം അഴിമതി കേസില് മുന്മന്ത്രി വി.കെ. ഇബ്രാഹിംകുഞ്ഞിന്റെ ജാമ്യാപേക്ഷ ഹൈക്കോടതി വാദം കേള്ക്കും. കഴിഞ്ഞ തവണ സര്ക്കാരിനോട് വിശദമായ സത്യവാങ്മൂലം സമര്പ്പിക്കാന് ഹൈക്കോടതി നിര്ദ്ദേശം നല്കിയിരുന്നു.
ഇബ്രാഹിംകുഞ്ഞിനെ വീണ്ടും ചോദ്യം ചെയ്യണമെന്ന തീരുമാനത്തിലാണ് സര്ക്കാര്. എന്നാല് ജാമ്യഹര്ജി വേഗം പരിഗണിക്കണമെന്നാണ് ഇബ്രാഹീംകുഞ്ഞിന്റെ ആവശ്യവും .
ആശുപത്രിയില് നിന്നും കസ്റ്റഡിയില് എടുക്കുമെന്ന ആശങ്കയുണ്ടെന്നും ഇബ്രാഹിം കുഞ്ഞ് ചൂണ്ടിക്കാട്ടിയിരുന്നു.
കുറ്റപത്രം സമര്പ്പിച്ച് ഒന്പത് മാസത്തിനു ശേഷമുള്ള ഈ അറസ്റ്റ് രാഷ്ട്രീയ പ്രേരിതമാണെന്നും എന്നാല് അന്വേഷണവുമായി സഹകരിക്കുന്നുണ്ടെന്നും ഹര്ജിയില് പറയുന്നു.