ജാഗ്രതക്കുറവുണ്ടായി; കത്തില് കുറ്റസമ്മതം നടത്തി കമല്
തിരുവനന്തപുരം: സംസ്ഥാന ചലച്ചിത്ര അക്കാദമിയില് ഇടത് അനുഭാവമുള്ള നാല് പേരെ സ്ഥിരപ്പെടുത്തണമെന്ന കത്ത് വിവാദത്തില് പ്രതികരിച്ച് ചെയര്മാന് കമല്. നാലു കരാര് ജീവനക്കാരെ സ്ഥിരപ്പെടുത്തണമെന്നാവശ്യപ്പെട്ട് മന്ത്രിയ്ക്കു നല്കിയ കത്തില് വിശദീകരണവുമായി അക്കാദമി ചെയര്മാന് കമല് . സംഭവത്തില് ജാഗ്രതക്കുറവുണ്ടായെന്ന് അക്കാദമി അധ്യക്ഷന് കമല് പ്രതികരിച്ചു.
മന്ത്രിക്ക് നല്കിയ കത്ത് വ്യക്തിപരമാണ്. ഇക്കാരണത്താലാണ് സെക്രട്ടറിയോട് ചോദിക്കാത്തതിരുന്നത്. ഇടതുപക്ഷമൂല്യം സംരക്ഷിക്കുകയാണ് ലക്ഷ്യം. കത്ത് ഏതെങ്കിലും രാഷ്ട്രീയപാര്ട്ടിക്കായല്ല. സാംസ്കാരികലോകം വലതുപക്ഷത്തേക്ക് ചായുന്നു. ഇതിനെ പ്രതിരോധിക്കണം. നെഹ്റുവിന്റെ കാഴ്ചപ്പാട് പോലും ഇടതുസമീപനത്തോടെ ചേര്ന്നതെന്നും കമല് പറഞ്ഞു. മന്ത്രിയ്ക്കു നല്കിയ കത്തിനെച്ചൊല്ലി വിവാദം പുകഞ്ഞ സാഹചര്യത്തിലാണ് വിശദീകരണവുമായി കമല് രംഗത്തെത്തിയത്.
കമലിന്റെ കത്തിലെ ഉള്ളടക്കം ചൊവ്വാഴ്ച പ്രതിപക്ഷ നേതാവ് രമേശ് ചെന്നിത്തല നിയമസഭയില് വായിച്ചതോടെയാണ് വിവാദം തുടങ്ങിയത്. അങ്ങനെ എഴുതിയതിനാല് മന്ത്രി ഫയല് തള്ളിയെന്ന മറുപടിയാണ് മുഖ്യമന്ത്രി സഭയില് നല്കിയത്. അക്കാദമി ചെയര്മാന് കമല് മന്ത്രിക്ക് കൈമാറിയത് സെക്രട്ടറി അറിയാതെയായിരുന്നു. മാനദണ്ഡങ്ങള് പാലിക്കാതെയുള്ള സ്ഥിരപ്പെടുത്തലിനെ സെക്രട്ടറി എതിര്ത്തിരുന്നു. അക്കാദമിയുടെ തീരുമാനം ഫയലാക്കി മന്ത്രിയുടെ അടുത്തേക്ക് പോകേണ്ടതിനു പകരമാണ് ചെയര്മാന് കത്ത് കൈമാറിയത്. ഇടതുപക്ഷ മൂല്യം നിലനിര്ത്താന് ഇടതുപക്ഷ അനുഭാവികളായ നാലു കരാര് ജീവനക്കാരെ സ്ഥിരപ്പെടുത്തണപ്പെടുത്തണമെന്നായിരുന്നു കമലിന്റെ ആവശ്യം.