ജാഗ്രത: മലങ്കര അണക്കെട്ടിന്റെ ഷട്ടറുകള് തുറന്നു
കൊച്ചി: മലങ്കര അണക്കെട്ടിന്റെ ഷട്ടറുകള് തുറന്നു. മൂന്ന് ഷട്ടറുകളാണ് തുറന്നത്. ഷട്ടറുകള് 20 സെന്റീമീറ്റര് വീതമാണ് തുറന്നത്. 42.00 മീറ്ററാണ് ഡാമിന്റെ സംഭരണശേഷി. ജലനിരപ്പ് 41.64 എത്തിയ സാഹചര്യത്തിലാണ് ഷട്ടറുകള് തുറക്കാന് തീരുമാനിച്ചത്. കഴിഞ്ഞ വര്ഷം ജലനിരപ്പ് ഉയര്ന്നതോടെ ഡാമിന്റെ ആറ് ഷട്ടറുകളും തുറന്നിരുന്നു.
തൊടുപുഴ, മൂവാറ്റുപുഴ നദികളുടെയും കൈവഴികളുടെയും തീരങ്ങളില് താമസിക്കുന്നവര് ജാഗ്രത പാലിക്കണമെന്ന് അധികൃതര് അറിയിച്ചു. സംസ്ഥാനത്ത് ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയതിന്റെ സാഹചര്യത്തില് വിവിധ ജില്ലകളില് യെല്ലോ അലേര്ട്ട് പുറപ്പെടുവിച്ചിട്ടുണ്ട്.