ചിദംബരം സമര്പ്പിച്ച മുന്കൂര് ജാമ്യഹര്ജി സുപ്രിംകോടതി ഇന്ന് പരിഗണിക്കും.
ന്യൂഡല്ഹി: ഐ.എന്.എക്സ് മീഡിയ അഴിമതിക്കേസില് ഡല്ഹി ഹൈക്കോടതി മുന്കൂര് ജാമ്യാപേക്ഷ തള്ളിയതിന് തൊട്ടുപിന്നാലെ രാവിലെ 10.30 വരെ തന്നെ അറസ്റ്റ് ചെയ്യരുതെന്ന് സി.ബി.ഐയോട് മുന് ധനമന്ത്രി പി.ചിദംബരം. ചിദംബരത്തിന്റെ ഹര്ജി സുപ്രീംകോടതി 10.30 ന് പരിഗണിക്കാന് ഇരിക്കവേയാണ് സിബിഐയോട് അതുവരെ നടപടി പാടില്ലെന്ന് അഭിഭാഷകന് മുഖേന അറിയിച്ചത്. രണ്ടു മണിക്കൂറിനകം ഹാജരാകണമെന്ന് ആവശ്യപ്പെട്ട് വീട്ടില് നോട്ടീസ് പതിച്ചത് ഏത് നിയമത്തിന്റെ അടിസ്ഥാനത്തിലാണെന്നും ചിദംബരത്തിന്റെ അഭിഭാഷകന് ചോദിച്ചു.
അറസ്റ്റ് ഒഴിവാക്കാനായി ചിദംബരം സമര്പ്പിച്ച മുന്കൂര് ജാമ്യഹര്ജി സുപ്രിംകോടതി ഇന്ന് പരിഗണിക്കും. ഹൈക്കോടതി വിധിക്കെതിരേ സുപ്രീംകോടതിയില് നിന്ന് ചൊവ്വാഴ്ച തന്നെ സ്റ്റേ നേടാന് അദ്ദേഹം നടത്തിയ ശ്രമം വിജയിച്ചില്ല. ഹര്ജി ബുധനാഴ്ച ചീഫ് ജസ്റ്റിസിന്റെ ശ്രദ്ധയില്പ്പെടുത്താനാണ് രജിസ്ട്രാര് അനുമതി നല്കിയത്.
മുന്കൂര് ജാമ്യാപേക്ഷ കോടതി തളളിയതിനു പിന്നാലെ സി.ബി.ഐ സംഘം വൈകീട്ടോടെ ചിദംബരത്തിന്റെ വീട്ടിലെത്തി. എന്നാല് ചിദംബരം വീട്ടിലില്ലാത്ത സാഹചര്യത്തില് തിരിച്ചു പോകുകയായിരുന്നു. ആറ് പേരടങ്ങുന്ന സി.ബി.ഐ സംഘമാണ് ചിദംബരത്തിന്റെ വീട്ടിലെത്തിയത്.ഐ.എന്.എക്സ് മീഡിയ ഇടപാടിലെ അഴിമതി, കള്ളപ്പണം വെളുപ്പിക്കല് കേസുകളിലാണ് ചിദംബരത്തിന്റെ മുന്കൂര്ജാമ്യാപേക്ഷ ഹൈക്കോടതി തള്ളിയത്. അറസ്റ്റില് നിന്നു മൂന്നുദിവസത്തേക്ക് ഇടക്കാല സംരക്ഷണം നല്കണമെന്ന അദ്ദേഹത്തിന്റെ അപേക്ഷയും ജസ്റ്റിസ് സുനില് ഗൗര് നിരസിച്ചു.