പൗരത്വ ഭേദഗതി നിയമത്തിനെതിരായ ഹര്ജികള് സുപ്രീം കോടതി ഇന്ന് പരിഗണിക്കും
ന്യൂഡല്ഹി പൗരത്വ ഭേദഗതി നിയമം ചോദ്യം ചെയ്തുള്ള ഹര്ജികള് സുപ്രീംകോടതി ഇന്ന്
പരിഗണിക്കും. ചീഫ് ജസ്റ്റിസ് എസ് എ ബോബ്ഡേ അധ്യക്ഷനായ മൂന്നംഗ ബെഞ്ചാണ് കേസ് പരിഗണിക്കുക.
പൗരത്വ ഭേദഗതി നിയമം ചോദ്യം ചെയ്ത് 133 ഹര്ജികളാണ് സുപ്രീംകോടതിയില് എത്തിയിരിക്കുന്നത്. സുപ്രീംകോടതിയുടെ ചരിത്രത്തില് ഇത് ആദ്യമായാണ് ഒരു കേസില് ഇത്രയും അധികം ഹര്ജികള് വരുന്നത്.
പൗരത്വ ഭേദഗതി ബില്ല് പാര്ലമെന്റ് പാസാക്കിയതിന് പിന്നാലെ ആദ്യം ഹര്ജി നല്കിയത് മുസ്ലിം ലീഗാണ്. കപില് സിബലാണ് ലീഗിന് വേണ്ടി കോടതിയില് ഹാജരാവുക.പൗരത്വ നിയമ ഭേദഗതിയുമായി ബന്ധപ്പെട്ട് വിവിധ ഹൈക്കോടതികളിലുള്ള കേസുകള് സുപ്രീംകോടതിയിലേക്ക് മാറ്റണമെന്ന് ആവശ്യപ്പെട്ടുള്ള കേന്ദ്ര സര്ക്കാരിന്റെ അപേക്ഷയും കോടതി ഇന്ന് പരിഗണിക്കും.
നിയമ ഭേദഗതി ഭരണഘടനവിരുദ്ധമായി പ്രഖ്യാപിക്കണമെന്ന് ആവശ്യപ്പെട്ട് സംസ്ഥാന സര്ക്കാര് നല്കിയ സ്യൂട്ട് ഹര്ജി ഇന്നത്തെ പരിഗണനാ പട്ടികയില് ഉള്പ്പെടുത്തിയിട്ടില്ല. സ്വീട്ട് ഹര്ജിയായതിനാല് അത് പ്രത്യേകം പരിഗണിക്കാനാകും സാധ്യത.