പ്രസവിച്ചാൽ മാത്രം അമ്മയാകുമോ...? | വൈറൽ ആയ ആ വീഡിയോ
സമകാലീന പ്രസക്തിയുള്ള വിഷയവുമായി ഒരു കൂട്ടം ചെറുപ്പക്കാർ തയ്യാറാക്കിയ ഷോർട്ട് ഫിലിം The Filicide വൈറലാകുന്നു. മലയാളികളുടെ പ്രിയതാരം അനുശ്രീയും, അമിത്തും, ദീപക്കും കൂടി ഫേസ്ബുക്കിലൂടെയാണ് ഈ കുഞ്ഞു സിനിമ പുറത്തിറക്കിയത്. മകളെ ജീവനുതുല്യം സ്നേഹിക്കുന്ന ഒരു അച്ഛന്റെ പ്രതികാര കഥയാണ് ചിത്രം പറയുന്നത്. ഇന്ന് സമൂഹത്തിൽ നടക്കുന്ന ഒരു വിപത്തിനെ കുറിച്ച്, കുട്ടികൾ അനുഭവിക്കുന്ന പ്രശ്നത്തെ അത്യാവശ്യം മനോഹരമായി വരച്ചു കാട്ടുന്നൊരു ഷോർട് ഫിലിം.
വീഡിയോ കാണാം:
ദിനം പ്രതി പത്ര മാധ്യമങ്ങളിൽ കാണുന്ന വാർത്തകളും മറ്റും ഭീതി ഉളവാക്കുന്നതാണ്. നൊന്തു പ്രസവിച്ചത് കൊണ്ട് മാത്രം ഒരാൾ അമ്മ ആകുന്നില്ല. ആ കുട്ടികളെ നല്ല രീതിയിൽ നേർവഴിക്കു വളർത്തുക കൂടി വേണം.
റിലീസ് ചെയ്ത് മണിക്കൂറുകൾക്കകം ആയിരങ്ങളാണ് യൂട്യൂബിലൂടെ ഈ വീഡിയോ ഇതിനകം കണ്ടിരിക്കുന്നത്. ലക്ഷങ്ങൾ മുടക്കി നിർമ്മിക്കുന്ന സിനിമകളെ വെല്ലുന്ന ഫൈറ്റ് സീനുകളാണ് ഇതിൽ ഒരുക്കിയിരിക്കുന്നത്. ഏതൊരു കുടുംബത്തിലും നടക്കാൻ സാധ്യതയുള്ള ഒരു ചെറിയ കഥയെ അതിമനോഹരമായാണ് ഈ ചെറുപ്പക്കാർ വെള്ളിത്തിരയിൽ അവതരിപ്പിച്ചിരിക്കുന്നത്. ആർ എസ് പ്രൊഡക്ഷന്റെ ബാനറിൽ, ശ്യാംരാജ് തൈക്കാട് തിരക്കഥയെഴുതി, സംഗീതിന്റെ സംഭാഷണത്തിൽ സംസമിന്റെ ക്യാമറയിലൂടെ ജിജോ മണിയൻ ആണ് സംവിധാനം ചെയ്തിരിക്കുന്നത്.
മഹേഷ് സുരേന്ദ്രൻ, ദേവിക രാജ്, മണിച്ചൻ, സൂര്യ, കുഞ്ഞാറ്റ എന്നിവരാണ് ചിത്രത്തിൽ അഭിനയിച്ചിരിക്കുന്നത്.