ശിവശങ്കറിന് ജാമ്യമില്ല; കോടതി അപേക്ഷ തള്ളി
കൊച്ചി: എന്ഫോഴ്സ്മെന്റ് കേസില് എം ശിവശങ്കറിന്റെ ജാമ്യാപേക്ഷ തള്ളി എറണാകുളം പ്രിന്സിപ്പല് സെഷന്സ് കോടതി. ശിവശങ്കറിന് ജാമ്യമില്ലെന്ന ഒറ്റവരി ഉത്തരവാണ് കോടതി പുറപ്പെടുവിച്ചിരിക്കുന്നത്. കഴിഞ്ഞ വ്യാഴാഴ്ച ജാമ്യഹര്ജിയില് വാദം കേട്ട ശേഷം ഇന്ന് രാവിലെ 11 ന് വിധി പറയാനാണ് കോടതി തീരുമാനിച്ചിരുന്നത്.
എന്നാല് ശിവശങ്കര് ഇന്നലെ രേഖാമൂലം സമര്പ്പിച്ച വാദങ്ങള് എതിര്ത്ത് കൊണ്ട് രാവിലെ ഇഡി സത്യവാങ്മൂലം നല്കിയതിന് പിന്നാലെ ജാമ്യഹര്ജി പരിഗണിക്കുന്നത് മൂന്ന് മണിയിലേക്ക് മാറ്റിവെക്കുകയായിരുന്നു.
കള്ളക്കടത്തില് ഇഡി ലക്ഷ്യമിടുന്ന രാഷ്ട്രീയ നേതാക്കളുടെ പേര് വെളുപ്പെടുത്താന് തന്റെ മേല് സമ്മര്ദ്ദമുണ്ടെന്നും ഇതിന് വഴങ്ങാത്തത് കൊണ്ടാണ് അറസ്റ്റ് ചെയ്തത് എന്നുമായിരുന്നു ഇന്നലെ ശിവശങ്കര് കോടതിയെ അറിയിച്ചത്.