ഇടുക്കിയിൽ ശക്തമായ മഴ: ഡാം ഷട്ടർ തുറക്കും, പെരിയാർ തീരത്തുള്ളവർ ജാഗ്രത പാലിക്കുക

Arun M

19 July 2019 04:25 PM

ഇടുക്കി ജില്ലയിലെ പാംബ്ല (ലോവർ പെരിയാർ), കല്ലാർകുട്ടി ഡാമുകളിൽ നിന്ന് വെള്ളം പുറത്ത് വിടുന്നത് സംബന്ധിച്ച്..

പാംബ്ല ഡാമിന്റെ വൃഷ്ടി പ്രദേശങ്ങളിൽ മഴ തുടരുന്നതിനാലും ഡാമിലെ ജലനിരപ്പ് 252.6 m (പരമാവധി ജലനിരപ്പ് 253 m) ആയി ഉയർന്നതിനാലും, കല്ലാർകുട്ടി ഡാമിന്റെ ജലനിരപ്പ് 452.4 m (പരമാവധി ജലനിരപ്പ് 456.6 m) ആയി ഉയർന്നതിനാലും കേന്ദ്ര കാലാവസ്ഥ നിരീക്ഷണ കേന്ദ്രം ജൂലൈ 20 വരെ ഇടുക്കി ജില്ലയിൽ റെഡ് അലെർട് പ്രഖ്യാപിച്ച സാഹചര്യം കൂടി കണക്കിലെടുത്ത് പാംബ്ല ഡാമിന്റെ 2 ഷട്ടറുകൾ 30 cm ഉയർത്തി 90 ക്യുമെക്സ് വെള്ളം പുറത്തേക്കൊഴുക്കാനും കല്ലാർകുട്ടി ഡാമിന്റെ 2 ഷട്ടറുകൾ 30 cm വരെ ഉയർത്തി 60 ക്യുമെക്സ് വെള്ളം പുറത്തേക്കൊഴുക്കുവാനും ഇടുക്കി ജില്ലാ കളക്ടർ അനുമതി നൽകിയിരിക്കുന്നു. പെരിയാറിന്റെ ഇരുകരയിലുമുള്ളവർ ജാഗ്രത പാലിക്കുക. അധികൃതർ നൽകുന്ന നിർദേശങ്ങൾ പാലിക്കുക.

സംസ്ഥാന ദുരന്ത നിവാരണ അതോറിറ്റി അറിയിച്ചതാണ് ഈ കാര്യം.