പബ്ജി തിരികെ വരുന്നു ; ബാറ്റില്‍ ഗ്രൗണ്ട്‌സ് മൊബൈല്‍ ഇന്ത്യയായി
മുന്നറിയിപ്പില്ലാതെ ഒരു സുപ്രഭാതത്തില്‍ ഇന്ത്യയിലെ ഗെയിമര്‍മാരെ നിരാശയിലാക്കിക്കൊണ്ട് പോയ പബ്ജി മൊബൈല്‍ തിരികെ വരുന്നു. എന്നാല്‍ വരുന്നത് പബ്ജി ആയിട്ടല്ല. ബാറ്റില്‍ ഗ്രൗണ്ട്‌സ് മൊബൈല്‍ ഇന്ത്യ എന്ന പേരില്‍.
ദക്ഷിണ കൊറിയന്‍ വീഡിയോ ഗെയിം ഡവലപ്പറും, പബ്ജിയുടെ നിര്‍മ്മാതാക്കളുമായ ക്രാഫ്റ്റണാണ് അതിന്റെ സൂചന നല്‍കിയിരിക്കുന്നത്. കഴിഞ്ഞ സെപ്തംബറില്‍ രാജ്യത്ത് നിരോധിച്ച ഗെയിം അവരുടെ ചൈനീസ് വേരുകള്‍ പിഴുതുമാറ്റിയാണ് പുതിയ പേരിലെത്തുന്നത്. ക്രാഫ്റ്റ് പുറത്തുവിട്ട ട്രെയിലര്‍ നല്‍കുന്ന സൂചനയും വരാന്‍ പോകുന്നത് പേര് മാറ്റയെത്തുന്ന പബ്ജി തന്നെയാണ് എന്നതാണ്.
പബ്ജി പോലെ ഒരു ബാറ്റില്‍ റോയല്‍ ഗെയിം, ഇന്‍ ഗെയിം ഇവന്റുകലും, പുതുപുത്തന്‍ ഔട്ട്ഫിറ്റകളും തോക്കും പടക്കോപ്പുകലുമെല്ലാം തന്നെ ബാറ്റില്‍ഗ്രൗണ്ട്‌സ് മൊബൈല്‍ ഇന്ത്യയിലും ഉണ്ടാകും. സ്മാര്‍ട്ട് ഫോണുകളില്‍ പബ്ജി പോലെ സൗജന്യമായി കളിക്കുകയും .ഇന്ത്യക്കാര്‍ക്ക് വേണ്ടി മാത്രമുള്ള ഗെയിം ആയിരിക്കുമിത്. ഗെയിമിലെ ഇന്ത്യയിലെ ലോഞ്ചുമായി ബന്ധപ്പെട്ട വിവരങ്ങല്‍ വൈകാതെ പുറത്ത് വരുമെന്ന് പ്രതീക്ഷിക്കാം.