ശമ്പളം ലഭിച്ചില്ല; ആത്മഹത്യക്ക് ശ്രമിച്ച കെഎസ്ആര്ടിസി കണ്ടക്ടര് അത്യാസന്ന നിലയില്
തിരുവനന്തപുരം: ശമ്പളം മുടക്കം പതിവായ കെഎസ്ആര്ടിസിയില് ഗതികെട്ട് ആത്മഹത്യക്ക് ശ്രമിച്ച കണ്ടക്ടര്. തിരുവനന്തപുരം പാപ്പനംകോട് ഡിപ്പോയിലെ കണ്ടക്ടര് വിനോദ് കുമാറാണ് അത്മഹത്യാശ്രമം നടത്തിയത്. ഡിപ്പോയില് വച്ച് രണ്ട് പായ്ക്കറ്റ് എലിവിഷം കഴിച്ച് അത്യാസന്ന നിലയിലായ വിനോദിനെ തിരുവനന്തപുരം ജനറല് ആശുപത്രിയിലും തുടര്ന്ന് മെഡിക്കല് കോളജിലും പ്രവേശിപ്പിച്ചു. ഡിപ്പോയിലെത്തി പ്രതിഷേധിച്ച ശേഷമാണ് ഇയാള് വിഷം കുടിച്ചത്.
ഇന്ന് ഉച്ചവരെ ഇയാള് ഡിപ്പോയില് ഉണ്ടായിരുന്നു. ശമ്പളം പകുതി ലഭിക്കുകയും ഇത് പൂര്ണമായും ബാങ്ക് പിടിച്ചതിനെ തുടര്ന്ന് വിനോദ് വലിയ ടെന്ഷനിലായിരുന്നതായി സഹപ്രവര്ത്തകര് പറയുന്നു.