തദ്ദേശ ഉപതെരഞ്ഞെടുപ്പ് : വോട്ടെണ്ണല് ഇന്ന്
തിരുവനന്തപുരം: ഉപതെരഞ്ഞെടുപ്പ് നടന്ന സംസ്ഥാനത്തെ 27 തദ്ദേശ സ്വയംഭരണ വാര്ഡുകളിലെ വോട്ടെണ്ണല് ഇന്ന്. പത്ത് ജില്ലകളിലെ വാര്ഡുകളിലാണ് ഇന്നലെ വോട്ടെടുപ്പ് നടന്നത്. വോട്ടെണ്ണല് രാവിലെ 10 ന് ആരംഭിക്കും.
തിരുവനന്തപുരം ജില്ലാ പഞ്ചായത്തിലെ മണമ്ബൂര് ഡിവിഷനിലും തിരുവനന്തപുരം, കൊല്ലം, പത്തനംതിട്ട, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, കാസര്കോട് ജില്ലകളിലെ 19 ഗ്രാമപഞ്ചായത്ത് വാര്ഡുകളിലുമാണ് വോട്ടെടുപ്പ് നടന്നത്. കളമശേരി, ഷൊര്ണൂര്, പാലക്കാട് മുനിസിപ്പാലിറ്റികളിലെ ഓരോ വാര്ഡിലേക്കും വോട്ടെടുപ്പ് നടന്നു.