കേരളത്തില് ഇന്നും നാളെയും ശക്തമായ മഴയ്ക്ക് സാധ്യത; വിവിധ ജില്ലകളില് യെല്ലോ അലേര്ട്ട്
തിരുവനന്തപുരം : സംസ്ഥാനത്ത് ഇന്നും നാളെയും ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ് . ഇതിന്റെ അടിസ്ഥാനത്തില് വിവിധ ജില്ലകളില് യെല്ലോ അലേര്ട്ട് പ്രഖ്യാപിച്ചു . ഇടുക്കി, മലപ്പുറം, കണ്ണൂര് എന്നീ ജില്ലകളിലാണ് യെല്ലോ അലേര്ട്ട് പ്രഖ്യാപിച്ചത് . പത്തനംതിട്ട, ഇടുക്കി, മലപ്പുറം, കോഴിക്കോട്, വയനാട് ജില്ലകളില് നാളെ യെല്ലോമുന്നറിയിപ്പ് നല്കിയിട്ടുണ്ട്.
ഒക്ടോബര് ഒന്പതോടെ ബംഗാള് ഉള്ക്കടലില് പുതിയ ന്യൂനമര്ദം രൂപപ്പെടാന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി . ന്യൂനമര്ദം രൂപപ്പെട്ടാല് അത് ആന്ധ്രാ-ഒഡീഷാ തീരത്തേക്ക് നീങ്ങി തീവ്ര ന്യൂനമര്ദ്ദം വരെയാകാന് സാധ്യതയുണ്ട് . ഇതിന്റെ സ്വാധീനത്തിലാണ് കേരളത്തില് ഒറ്റപ്പെട്ട ശക്തമായ മഴക്ക് സാധ്യത കാണുന്നത് .
ഇതിന് പിന്നാലെ ഒക്ടോബര് 16 ഓടെ ബംഗാള് ഉള്ക്കടലില് വീണ്ടും പുതിയ ന്യൂനമര്ദ്ദം രൂപപ്പെടാനുള്ള സാധ്യതയും കാലാവസ്ഥ വകുപ്പ് പ്രവചിച്ചിട്ടുണ്ട്.