തിങ്കളാഴ്ച്ച മുതല് കേരളത്തില് കനത്ത മഴയ്ക്ക് സാധ്യത; ജാഗ്രതാ നിര്ദ്ദേശം
കോട്ടയം: കേരളത്തില് വരും ദിവസങ്ങളില് ശക്തമായ മഴയ്ക്ക് സാധ്യതയുള്ളതിനാല് വിവിധ ജില്ലകളില് കേന്ദ്ര കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചു. ഓഗസ്റ്റ് നാലോടെ ബംഗാള് ഉള്ക്കടലില് ന്യൂനമര്ദ്ദം രൂപം കൊള്ളും. ഇത് തീവ്രന്യൂനമര്ദ്ദമായാല് സംസ്ഥാനത്ത് അതിതീവ്ര മഴയ്ക്ക് സാധ്യയുണ്ടെന്നും മുന്നറിയിപ്പുണ്ട്.
തിങ്കള്, ചൊവ്വ ദിവസങ്ങില് കേരളത്തില് പരക്കെ മഴ കിട്ടും. അന്നെ ദിവസങ്ങളില് സംസ്ഥാനത്തെ എല്ലാ ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്.
മണിക്കൂറില് 40 മുതല് 50 കി മി വരെ വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതിനാല് മത്സ്യത്തൊഴിലാളികള് ഓഗസ്റ്റ് നാല് വരെ കടലില് പോകരുതെന്നും മുന്നറിയിപ്പുണ്ട്.
ശനി, ഞായര് ദിവസങ്ങളില് ശക്തമായ മഴയ്ക്ക് സാധ്യതയുള്ളതിനാല് പത്തനംതിട്ട, ആലപ്പുഴ, കോട്ടയം, ഇടുക്കി. എറണാകുളം, തൃശ്ശൂര്, മലപ്പുറം, കോഴിക്കോട്, കണ്ണൂര്, കാസര്കോട്, വയനാട് എന്നീ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.